پاکستان کورونا ایکٹو کیسز میں چھٹے نمبر پر آ گیا

  جون 08 2020: (جنرل رپورٹر) ملک بھر میں لاک ڈاؤن میں نرمی کے بعد کورونا وائرس کے کیسز میں تیزی میں اضافہ ہوا ہے جبکہ تازہ ترین اطلاعات کے مطابق پاکستان ایکٹو کیسز کے لحاظ سے دنیا بھر میں چھٹے نمبر پر آ گیا ہے جبکہ مریضوں کی تعداد کے حوالے سے بھی پاکستان کا 16واں درجہ ہے- پاکستان کے صوبہ بلوچستان میں بھی گیارہ دن میں دو ہزار نئے کیسز کی تعداد میں اضافہ ہوا ہے جو کہ غیرمعمولی ہیں-کرونا وائرس کی بڑھتی ہوئی تباہ کاریوں نے پچھلے چوبیس گھنٹوں میں مزید 65 افراد کی جان لے لی- تازہ ترین اطلاعات کے مطابق پچھلے چوبیس گھنٹوں میں 22،650  ٹیسٹ کئے گئے جن میں سے 4728  کنفرم کیسز نکلے جبکہ اسی دورن  65  افراد زندگی کی بازی سے ہاتھ دھو بیٹھے 

یاد رہے کہ پاکستان میں اب تک کرونا وائرس کے تقریبا   705،833 ٹیسٹ ہوئے جس میں سے 102،577  کرونا کے مریض (کنفرم کیسز) نکلے ہیں- گورنمنٹ آف پاکستان کی کرونا وائرس آگاہی کے متعلق ویب سائٹ پر دئیے گئے اعداد و شمار کے مطابق کرونا وائرس سے اب تک  2067 اموات ہو چکی ہیں جبکہ 97 کی حالت خطرے میں ہے- مزید برآں یہ کہ اب تک 34،355   افراد صحتیاب ہو چکے ہیں جو کہ خوش آئیند بات ہے-اگر ہم صوبہ کے لحاظ سے جائزہ لیں تو گورنمنٹ آف پاکستان کے سرکاری اعداد و شمار کے مطابق پنجاب میں  38،903کیسز ہیں جبکہ سندھ میں  38،108, خیبرپختونخواہ میں  13،487, آزاد جموں کشمیر میں 396, گلگت بلستان میں  932 اور  بلوچستان  میں  6،516 کیسز ہیں-دیکھا جائے تو دیگر ممالک کی طرح پاکستان میں بھی کرونا کی صورتحال بگڑتی دکھائی دے رہی ہے- ایک طرف کرونا کا خوف تو دوسری جانب ترقی پذیر ملک ہونے کے ناطے بھوک اور غربت بھی اہم.مسئلہ کے طور پر ایک بار اجاگر ہونے لگی ہے- یاد رہے کہ یہ تمام معلومات گورنمنٹ آف پاکستان کی کرونا وائرس سے آگاہی مہم کی ویب سائٹ سے لی گئی ہے-