پاکستان میں برسوں سے کرکٹ میچ شروع ہونے سے پہلے کپتان سادہ سا سکہ اچھال کر فیصلہ کرتے ہیں کہ کون پہلے بیٹنگ کرے گا۔ یہ طریقہ آسان ہے لیکن لاہور یونیورسٹی آف مینجمنٹ سائنسز (LUMS) کے تین نوجوان گریجویٹس کا کہنا ہے کہ یہ نظام اب پرانا ہو چکا ہے۔
ان کا اسٹارٹ اپ Tossr ایک موبائل ایپ ہے جو روایتی سکے کے ٹاس کی جگہ ڈیجیٹل ٹاس متعارف کرواتی ہے۔ ان کے مطابق موجودہ نظام غیر مؤثر ہے کمائی سے خالی ہے اور موبائل فرسٹ پاکستان کے لیے موزوں نہیں۔ اسی لیے وہ پاکستان ٹاس مارکیٹ کو جدید بنانا چاہتے ہیں۔
Tossr ایپ کیسے کام کرتی ہے؟
Tossr ایپ صارفین کو میچ سے پہلے موبائل پر ورچوئل سکہ اچھالنے کی سہولت دیتی ہے۔ اس کا مقصد ٹاس کے دوران ہونے والے جھگڑوں، جانبدار سکے کے الزامات اور شفافیت کے مسائل کو ختم کرنا ہے۔
کو فاؤنڈر احمد کے مطابق اصل مسئلہ اعتماد کا ہے۔ جب دو کپتان میدان میں آتے ہیں تو پہلے ہی دباؤ ہوتا ہے ایسے میں Tossr ایک تصدیق شدہ اور ڈیجیٹل طریقہ فراہم کرتی ہے۔ ایپ ٹاس کا ریکارڈ بھی محفوظ رکھتی ہے تاکہ بعد میں دیکھا جا سکے۔
ٹیم کا کہنا ہے کہ ایپ میں ہلکی AI ٹیکنالوجی استعمال کی گئی ہے تاکہ ٹاس منصفانہ رہے۔
Profile: These LUMS grads want to disrupt Pakistan’s Rs300-a-year “toss” market
— Profit (@Profitpk) January 26, 2026
Read: https://t.co/D8QdBKnKO4 pic.twitter.com/iDl0mDpDhT
چھوٹی مارکیٹ، بڑے خواب
فاؤنڈرز کے مطابق پاکستان میں ٹاس مارکیٹ کی مالیت تقریباً 300 روپے سالانہ ہے لیکن وہ اسے آگے بڑھانا چاہتے ہیں۔ ان کا کہنا ہے کہ ٹاس صرف کرکٹ تک محدود نہیں بلکہ روزمرہ فیصلوں جیسے کون چائے پلائے گا یا کون گیند لائے گا وہاں بھی استعمال ہو سکتا ہے۔
Tossr ایپ سے کمائی کے لیے برانڈڈ اینیمیشن، پوسٹ ٹاس اینالیٹکس اور ٹورنامنٹس کے لیے سبسکرپشن فیچرز شامل کیے جائیں گے۔
اگرچہ لوگ شک کا اظہار کر رہے ہیں مگر ٹیم پُراعتماد ہے۔ فی الحال میدان میں سکہ ہی چلتا ہے مگر Tossr اسے بدلنے کا خواب رکھتی ہے۔
