یورپی ممالک کے ویزہ کے بغیر سفر کے حوالے سے ایک بڑی خوشخبری سامنے آئی ہے پاکستان کا پاسپورٹ Henley Passport Index 2025 میں 100ویں پوزیشن پر آ گیا ہے۔ یہ ایک اہم پیش رفت ہے کیونکہ 2021 میں پاکستان کا نمبر 113 واں تھا۔ اب پاکستانی شہری 32 ممالک میں بغیر ویزہ یا ویزہ آن ارائیول کے ساتھ سفر کر سکتے ہیں۔
ڈائریکٹر جنرل امیگریشن اینڈ پاسپورٹس مصطفی جمال قاضی نے اس کامیابی کو سراہتے ہوئے کہا ہے کہ یہ ترقی وفاقی وزیر داخلہ محسن نقوی اور سیکرٹری داخلہ کی مسلسل حمایت کی وجہ سے ممکن ہوئی ہے۔
پاسپورٹ رینکنگ/ٹاپ 100 میں شامل
— Ghazanfar Abbas (@ghazanfarabbass) June 28, 2025
ہینلے پاسپورٹ انڈیکس کی جانب سے سال 2025 کی رینکنگ جاری
پاکستانی پاسپورٹ بتدریج ترقی کے بعد ٹاپ 100 پاسپورٹس میں شامل ہوگیا
پاکستانی پاسپورٹ پر شہری 32 ممالک میں ویزہ فری سفری سہولت بھی حاصل کر سکیں گے
ڈی جی پاسپورٹس کی جانب سے پاسپورٹ رینکنگ… pic.twitter.com/PqLrousqKo
انہوں نے بتایا ہے کہ نئے ای-پاسپورٹس میں این ایف سی چپ شامل کی گئی ہے جو انٹرنیشنل سول ایوی ایشن آرگنائزیشن (ICAO) کے معیار پر پورا اترتی ہے۔
مزید یہ کہ مصطفی جمال قاضی نے اعلان کیا ہے کہ جلد ہی پاکستان کے تمام بڑے ہوائی اڈوں پر ای گیٹس کا نظام فعال کر دیا جائے گا تاکہ ای-پاسپورٹ رکھنے والوں کو امیگریشن کے عمل میں آسانی ہو۔ انہوں نے یہ بھی بتایا کہ ملک بھر میں پاسپورٹ درخواستوں کا بیک لاگ مکمل طور پر ختم کر دیا گیا ہے۔
پاسپورٹ دفاتر میں جدید سہولیات متعارف کروا دی گئی ہیں جس سے درخواستوں کی پراسیسنگ تیز ہو گئی ہے اور عوام کو بہتر سروس دی جا رہی ہے۔ بیرون ملک مقیم پاکستانیوں کے لیے آن لائن پاسپورٹ سروس بھی فراہم کر دی گئی ہے۔ اس کے علاوہ پاسپورٹ فیس آسان ایپ کے ذریعے فیس کی ادائیگی اب چند سیکنڈز میں ممکن ہے۔
مصطفی جمال قاضی نے یہ بھی بتایا ہے کہ ایک نئی پاسپورٹ موبائل ایپ پر کام جاری ہے جس کی مدد سے شہری گھر بیٹھے پاسپورٹ کے لیے درخواست دے سکیں گے۔
یہ بھی پڑھیں : امریکی اسٹوڈنٹ ویزا کے قواعد میں سختی: سوشل میڈیا اکاؤنٹس پبلک کرنا لازم
