حکومت نے وزیراعظم لیپ ٹاپ اسکیم (PMLS) فیز-IV کی درخواست جمع کرانے کی آخری تاریخ میں 1 جون 2025 تک توسیع کر دی ہے۔ اس سے پہلے یہ تاریخ 20 مئی تھی۔ اس توسیع سے ان طلباء کو ایک اور موقع ملا ہے جو پہلے کسی وجہ سے درخواست نہ دے سکے تھے۔
لیپ ٹاپ اسکیم 2025 کے لیے اہلیت
اس اسکیم سے فائدہ اٹھانے کے لیے طلباء کو درج ذیل شرائط پر پورا اترنا ہوگا:
امیدوار کسی سرکاری جامعہ یا اعلیٰ تعلیمی ادارے میں داخل ہو۔
وہ بیچلرز (4 یا 5 سالہ)، ماسٹرز، ایم ایس/ایم فل یا پی ایچ ڈی پروگرامز میں زیر تعلیم ہوں۔
حالیہ تعلیمی ریکارڈ میں کم از کم 2.80 CGPA یا 60 فیصد نمبر ہونے چاہئیں۔
پہلے سمسٹر کے طلباء کو اپنے انٹرمیڈیٹ (HSSC) کے نمبر جمع کروانے ہوں گے۔
ایم ایس/ایم فل/پی ایچ ڈی کے پہلے سمسٹر میں داخل طلباء کو اپنی گزشتہ ڈگری کی ٹرانسکرپٹ جمع کروانی ہوگی۔
پاس آؤٹ (فارغ التحصیل) طلباء اس اسکیم کے لیے اہل نہیں ہیں، چاہے انہوں نے اپنی تعلیم کے دوران درخواست دی ہو۔
کوٹہ سسٹم کے تحت لیپ ٹاپ کی تقسیم
اس اسکیم میں تمام علاقوں اور تعلیمی اقسام کا خیال رکھتے ہوئے کوٹہ سسٹم نافذ کیا گیا ہے:
بلوچستان کے طلباء کے لیے 18 فیصد کوٹہ مختص کیا گیا ہے۔
ڈسٹنس لرننگ (فاصلاتی تعلیم) حاصل کرنے والے طلباء کے لیے 5 فیصد کوٹہ مختص ہے جس میں شامل ہیں:
2.5 فیصد ورچوئل یونیورسٹی
2.5 فیصد علامہ اقبال اوپن یونیورسٹی
لیپ ٹاپ کی تقسیم ہر جامعہ، ڈیپارٹمنٹ اور پروگرام کی میرٹ لسٹ کے مطابق کی جائے گی۔
وزیراعظم لیپ ٹاپ اسکیم 2025 میں کیسے درخواست دیں؟
اسکیم میں درخواست دینے کا طریقہ نہایت آسان اور مکمل طور پر آن لائن ہے:
سرکاری ویب سائٹ پر جائیں: www.pmyp.gov.pk
یا ڈیجیٹل یوتھ ہب (DYH) موبائل ایپ ڈاؤن لوڈ کر کے رجسٹریشن کریں۔
رجسٹریشن فارم کو درست تعلیمی اور ذاتی معلومات کے ساتھ پُر کریں۔
مطلوبہ دستاویزات اپلوڈ کریں۔
1 جون 2025 سے پہلے اپنی درخواست جمع کروائیں۔
درخواستوں کی جانچ کے بعد:
ایک عارضی میرٹ لسٹ ویب سائٹ پر جاری کی جائے گی۔
طلباء کو 15 دن دیے جائیں گے تاکہ وہ کسی غلطی یا اعتراض کو درج کروا سکیں۔
تمام اعتراضات دور کرنے کے بعد حتمی میرٹ لسٹ جاری کی جائے گی۔
مزید پڑھیں: وزیراعظم یوتھ لیپ ٹاپ اسکیم 2025 دوبارہ شروع
