محکمہ موسمیات کے مطابق لاہور اور پنجاب کے دیگر حصے طویل خشک موسم کی لپیٹ میں ہیں، اور آئندہ چند دنوں میں بارش کا کوئی امکان نہیں۔ لاہور کا کم سے کم درجہ حرارت 5 ڈگری سینٹی گریڈ تک گر چکا ہے، جبکہ زیادہ سے زیادہ درجہ حرارت 20 ڈگری سینٹی گریڈ تک پہنچنے کا امکان ہے۔
فضائی آلودگی کی تشویشناک صورتحال
لاہور کا ایئر کوالٹی انڈیکس (AQI) خطرناک حد تک 291 تک پہنچ چکا ہے، جو “انتہائی غیر صحت بخش” کی کیٹیگری میں آتا ہے۔ یہ دہلی کے 521 کے اے کیو آئی کے بعد خطے میں دوسرا بدترین شمار کیا جا رہا ہے۔
خشک اور سرد موسم کے باعث نزلہ، زکام اور کھانسی جیسی موسمی بیماریوں میں اضافہ ہو رہا ہے۔ ماہرین صحت نے شہریوں کو موسمی بیماریوں سے بچنے کے لیے ماسک پہننے اور قوت مدافعت بڑھانے والی غذائیں استعمال کرنے کا مشورہ دیا ہے۔
محکمہ موسمیات کے مطابق، آئندہ دو سے تین دنوں تک سرد اور خشک موسم جاری رہے گا۔
• پہاڑی علاقوں میں موسم بہت سرد اور جزوی طور پر ابر آلود رہنے کا امکان ہے۔
• شمال مغربی بلوچستان میں رات کے وقت ہلکی بارش اور پہاڑوں پر برف باری کا امکان ہے۔
• وسطی اور جنوبی پنجاب کے چند علاقوں میں رات کے وقت ہلکی دھند پڑنے کی توقع ہے۔
مختلف شہروں کا درجہ حرارت
اتوار کو مختلف شہروں میں درج کی گئی کم سے کم درجہ حرارت یہ رہے:
• اسلام آباد اور کوئٹہ: 3 ڈگری سینٹی گریڈ
• لاہور: 8 ڈگری سینٹی گریڈ
• کراچی: 13 ڈگری سینٹی گریڈ
• پشاور اور مری: 2 ڈگری سینٹی گریڈ
• گلگت: 1 ڈگری سینٹی گریڈ
• مظفر آباد: 5 ڈگری سینٹی گریڈ
کشمیر میں موسم
محکمہ موسمیات کے مطابق مقبوضہ کشمیر میں سری نگر، لہہ، پلوامہ، اننت ناگ، اور شوپیاں میں جزوی ابر آلود اور انتہائی سرد موسم رہنے کا امکان ہے۔
ماہرین نے موسم کے اثرات سے بچاؤ کے لیے شہریوں کو محتاط رہنے اور موسم کی شدت کو مدنظر رکھتے ہوئے حفاظتی تدابیر اختیار کرنے کی ہدایت کی ہے۔
