پاکستان ٹیلی کمیونیکیشن اتھارٹی (PTA) نے نیشنل سائبر کرائم انویسٹی گیشن ایجنسی (NCCIA) کے ساتھ مل کر راولپنڈی میں موبائل فون سے متعلق غیر قانونی سرگرمیوں کے خلاف مشترکہ کارروائی کی ہے۔
حکام نے راولپنڈی کے سنگاپور پلازہ میں واقع سٹی موبائل سینٹر نامی دکان پر چھاپہ مارا۔ کارروائی کے دوران ایک لیپ ٹاپ، ایک سی پی یو اور ایک موبائل فون ضبط کیا گیا جو مبینہ طور پر موبائل فونز کے IMEI نمبرز تبدیل کرنے کے لیے استعمال ہو رہے تھے۔
In a significant enforcement action targeting illegal IMEl tampering and the sale of cloned or patched mobile devices, the Pakistan Telecommunication Authority (PTA) Zonal Office Rawalpindi, in close coordination with the National Cyber Crime Investigation Agency (NCCIA)… pic.twitter.com/fihEtHiTaJ
— PTA (@PTAofficialpk) May 29, 2025
موبائل فون کے IMEI نمبرز میں رد و بدل ایک غیر قانونی عمل ہے جو اکثر فون کلوننگ اور مجرمانہ سرگرمیوں سے منسلک ہوتا ہے۔
PTA نے ایک بار پھر واضح کیا کہ موبائل فون کے شناختی نمبرز کی غیر قانونی خرید و فروخت اور تبدیلی کے خلاف اس کی زیرو ٹالرنس پالیسی برقرار ہے۔ ادارے کا کہنا ہے کہ ایسی سرگرمیاں قومی سلامتی اور عوامی تحفظ کے لیے سنگین خطرہ ہیں کیونکہ ان کے ذریعے مجرم اپنی شناخت چھپا کر سائبر کرائم، فراڈ اور اغواء جیسے جرائم میں ملوث ہو سکتے ہیں۔
PTA نے عوام سے اپیل کی ہے کہ وہ ملک کے کمیونیکیشن سسٹم کو محفوظ بنانے کے لیے موبائل فون ٹیمپرنگ یا کلوننگ سے متعلق کسی بھی مشکوک سرگرمی کی اطلاع فوری طور پر دیں۔
یہ بھی پڑھیں : پاکستان میں PTA سے منظور شدہ موبائل فون چیک کرنے کا طریقہ
