بینظیر انکم سپورٹ پروگرام (BISP) نے حال ہی میں "بینظیر تعلیمی وظائف” کے لیے بچوں کی رجسٹریشن کے اصول و ضوابط جاری کیے ہیں۔ اس پروگرام کا مقصد ان خاندانوں کے بچوں کی تعلیمی معاونت کرنا ہے جو پہلے سے BISP کفالت پروگرام کے تحت امداد حاصل کر رہے ہیں۔
بینظیر تعلیمی وظائف کیا ہے؟
یہ ایک مشروط مالی امدادی پروگرام ہے جو BISP کے فعال مستفید کنندگان کے بچوں کو پرائمری سے لے کر ہائر سیکنڈری سطح تک تعلیم دلوانے کی ترغیب دیتا ہے۔ اس پروگرام کے تحت خاندانوں کو اضافی مالی مدد دی جاتی ہے تاکہ وہ بچوں کو اسکول داخل کروائیں اور ان کا تعلیمی سلسلہ جاری رکھیں۔
اہلیت کے اصول
اس پروگرام میں شمولیت کے لیے بچوں کی عمر اور دیگر شرائط درج ذیل ہیں:
بچے کا تعلق BISP کفالت پروگرام کے فعال خاندان سے ہو۔
پرائمری تعلیم کے لیے بچے کی عمر 4 سے 12 سال ہو۔
سیکنڈری تعلیم کے لیے عمر 8 سے 18 سال کے درمیان ہو۔
ہائر سیکنڈری تعلیم کے لیے بچے کی عمر 13 سے 22 سال ہو۔
بچے کا والد BISP کا مستحق ہو۔
ہر بچہ رجسٹریشن کے وقت صرف ایک بار پروگرام میں شامل کیا جاتا ہے۔
پہلے سہ ماہی کی رقم صرف رجسٹریشن اور داخلے کے بعد جاری کی جاتی ہے۔
اگلی سہ ماہیوں میں رقم صرف اسی صورت ملے گی جب بچہ کم از کم 70 فیصد تعلیمی دنوں میں حاضری مکمل کرے۔
رجسٹریشن کا طریقہ
والدین جو اپنے بچوں کو تعلیمی وظائف میں رجسٹر کروانا چاہتے ہیں وہ انہیں قریبی BISP دفتر لے جائیں۔ وہاں مندرجہ ذیل دستاویزات درکار ہوں گی:
بچے کا ب فارم
BISP مستفید کنندہ کا رجسٹر شدہ موبائل نمبر
دفتر کا عملہ ایک رجسٹریشن سلپ جاری کرے گا جسے مکمل کر کے جمع کروانا ہوگا
تصدیق کے بعد بچوں کو وظیفہ جاری کیا جائے گا
وظیفہ کی رقم (فی سہ ماہی)
| تعلیمی سطح | فی لڑکا (روپے) | فی لڑکی (روپے) |
| پرائمری | 1,500 | 2,000 |
| سیکنڈری | 2,500 | 3,000 |
| ہائر سیکنڈری | 3,500 | 4,000 |
لڑکیوں کے لیے خصوصی بونس
جو لڑکیاں پرائمری تعلیم مکمل کرتی ہیں، انہیں ایک بار کے لیے 3,000 روپے بطور گریجویشن بونس دیا جاتا ہے تاکہ ان کی حوصلہ افزائی ہو۔
