ماہرینِ غذا کے مطابق کچھ گھریلو تدابیر ایسی ہیں جن سے پٹھوں کے درد کو کنٹرول کیا جا سکتا ہے، خاص طور پر سردی کے موسم میں یہ تدابیر بہت مفید ثابت ہوتی ہیں۔ برطانوی ویب سائٹ ‘دی ہیلتھ’ کے مطابق ماہرین نے اس بات پر زور دیا ہے کہ جسم کو مناسب مقدار میں پانی کی فراہمی لازمی ہوتی ہے کیونکہ پانی کی کمی براہِ راست پٹھوں کی کمزوری کا سبب بنتی ہے اور وہ کمزور ہو جاتے ہیں۔ ماہرین گھریلو اشیاء میں ان پھلوں کے استعمال کا مشورہ دیتے ہیں:
کیلا
کیلے میں پوٹاشیم کی موجودگی کی وجہ سے وہ پٹھوں کو لچکدار بناتا ہے۔ جدید تحقیق کے مطابق پوٹاشیم کی کمی پٹھوں کی کمزوری، تھکاوٹ اور درد کا باعث بنتی ہے۔
سرسوں کا تیل
سرسوں کا تیل ایک قدرتی بہترین تحفہ ہے۔ اس کے استعمال سے خون کی گردش میں اضافہ ہوتا ہے، جس سے پٹھوں کی کمزوری دور ہوتی ہے اور پٹھے فعال ہو جاتے ہیں۔ سرسوں کے چار چمچ تیل میں 10 لہسن پیس کر ڈال لیں، پھر اسے آگ پر گرم کریں یہاں تک کہ اس کا رنگ بھورا ہو جائے۔ پھر اسے دن میں کئی بار اس جگہ پر لگائیں جہاں درد ہو رہا ہو۔
روزماری
یہ جڑی بوٹی جسم میں سوزش کے خلاف کام کرتی ہے۔ اس کے ذریعے پٹھوں کو سکون ملتا ہے اور تناؤ کی کیفیت میں کمی ہوتی ہے۔ اس کا تیل بنانے کے لیے اس کے پتوں سے نکلنے والے تیل کے دو قطرے، مرچ تیل کے دو قطرے اور ناریل کے ایک چمچ تیل میں ملا دیں۔ پھر اسے درد کی جگہ پر دن میں دو یا تین بار لگائیں۔ یہ بھی ممکن ہے کہ اس کے سوکھے ہوئے پتوں کو پانی میں بھگو دیں، پھر جسم کے جس عضو میں درد ہو اسے 15 منٹ تک اس پانی میں بھگو کر رکھیں۔ اس عمل کو روزانہ دن میں دو یا تین بار دہرائیں۔
کالی مرچ
کالی مرچ پٹھوں کے علاج کے لیے نہایت مفید ہے۔ اس سے سوزش اور جلن میں کمی ہوتی ہے۔ کالی مرچ کا ایک چمچ زیتون کے تیل کے دو چمچوں میں ملا لیں، پھر جہاں درد ہو وہاں رات بھر مساج کریں۔ اسے دو یا تین دن تک جاری رکھیں، اسی طرح اس میں ناریل کا تیل بھی شامل کیا جا سکتا ہے۔
ماہرین کے مطابق اگر گھریلو علاج سے درد میں افاقہ نہ ہو تو ڈاکٹر سے مشورہ کریں، کیونکہ پٹھوں میں درد کی وجوہات مختلف ہو سکتی ہیں۔
