لاہور–
مینار پاکستان واقعہ میں عائشہ اکرام کے ساتھ عوام کی بدسلوکی کا دلخراش واقعہ توآپ کو یاد ہی ہو گا۔ مینار پاکستان کیس کے سلسلے میں عائشہ کے ساتھی ٹک ٹاکر ریمبو نے جیل سے کچھ انکشافات کئے ہیِں۔
ابھی ریمبو کا جیل سے تازہ ترین بیان وائرل ہو رہا ہےجس میں وہ مینار پاکستان واقعہ سے متعلق بات کر رہے ہیِں۔
ریمبو نے جیل سے ریکارڈ کی گئی ویڈیو میں سلام کے بعد کہا ہے کہ مینار پاکستان میں عائشہ اکرام کا کوئی شو تھا جس کے لئےاسے جانا تھا تاہم عوام کی جانب سے بہت بدسلوکی کی گئی اور کپڑے تک پھاڑے گئے۔
عائشہ کے ساتھی ریمبو نے مزید کہا کہ میں جانتا ہوں کہ میں اسے کس طرح زندہ واپس لایا۔
اس نے مزید انکشاف کیا کہ اس نے نہیں بلکہ عائشہ کے کسی اور دوست نے عائشہ کے ساتھ آنا تھا تاہم اس لڑکے کے بھائی کا انتقال ہو گیا جس وجہ سے مجھے ساتھ آنا پڑا۔
یہ بھی پڑھیں | این اے 249 کا معرکہ کون جیتے گا؟
ٹک ٹاکر ریمبو نے مزید کہا کہ اس سب واقعے میں نا میرا قصور ہے اور نا ہی عائشہ اکرام کا کہ وہ شو کے لئے وہاں گئی تھیں۔
