تحقیقات کے لیے سات رکنی کمیٹی تشکیل
ڈپٹی کمشنر (ڈی سی) اسلام آباد نے اتوار کو اسلام آباد کے سینٹورس مال میں آتشزدگی کے واقعے کی تحقیقات کے لیے سات رکنی کمیٹی تشکیل دے دی ہے۔
ایڈیشنل ڈسٹرکٹ مجسٹریٹ اسلام آباد کمیٹی کے کنوینر ہوں گے جبکہ کیپٹل ڈویلپمنٹ اتھارٹی (سی ڈی اے)، اسلام آباد کیپیٹل ٹیریٹری (آئی سی ٹی) اور دیگر متعلقہ محکموں کے افسران کمیٹی کے رکن ہوں گے۔
یہ بھی پڑھیں | شیخوپورہ میں سوتے ہوئے 8 افراد کا قتل
یہ بھی پڑھیں | سندھ ہائیکورٹ کا “گٹکا” پر مکمل پابندی یقینی بنانے کا حکم
وزیر اعظم کا سینٹورس مال میں آتشزدگی کے واقعے کا نوٹس
دوسری جانب وزیراعظم شہباز شریف نے اتوار کو اسلام آباد کے سینٹورس مال میں آتشزدگی کے واقعے کا نوٹس لیتے ہوئے وفاقی حکومت کے متعلقہ محکموں کے حکام کو مزید تباہی سے بچنے کے لیے فوری طور پر کارروائی کرنے کی ہدایت کی ہے۔
سوشل میڈیا پلیٹ فارم ٹوئٹر پر ایک ٹویٹ میں انہوں نے ممتاز کاروباری مرکز میں آتشزدگی کے واقعے پر دکھ کا اظہار کیا۔ انہوں نے مالی نقصان اٹھانے والے متاثرین سے بھی ہمدردی کا اظہار کیا۔
