ادارہ شماریات کی رہورٹ کے جاری کردہ اعداد و شمار میں انکشاف ہوا ہے کہ ملکی درآمدات میں اضافہ جبکہ ملکی برآمدات میں کمی واقع ہوئی ہے۔

مالی سال۔2019-20 میں پاکستان کا تجارتی خسارہ 27 فیصد گھٹ گیا ہے جس کے بعد خسارہ 23 ارب 18 کروڑ ڈالر رہ گیا ہے۔

ادارہ شماریات کے جاری کردہ اعداد و شمار کے مطابق 30 جون 2020 کو ختم ہونے والے مالی سال کے اختتام پر ملکی برآمدات 21،387 ارب تک ہوئیں جبکہ ملکی برآمدات کا ہدف 24 ارب ڈالر تک رکھا گیا تھا۔

مالی سال 2018-19 میں پاکستان کی جانب سے تقریبا 22 ارب ڈالر سے زائد اشیاء برآمد کی گئی تھیں جس کا مطلب یہ ہے کہ جون 2020 کو ختم ہونے والے مالی سال میں 2018-19 مالی سال کے مقابلے میں ملکی برآمدات میں 6۔8 فیصد کمی واقع ہوئی ہے۔

یاد رہے کہ کورونا وباء کے پیش نظر گزشتہ مالی سال 2019-20 میں تخمینہ لگایا گیا تھا کہ برآمدات میں 4 سے 5 ارب ڈالر تک کمی آ سکتی ہے۔