اداکارہ میرا کے متعلق سوشل میڈیا پر گردش کرتی تمام افواہیں دم توڑ گئی ہیں کیونکہ اداکارہ میرا کی والدہ نے سوشل میڈیا پر میرا کے پاگل پن اور علاج سے متعلقہ تمام سوالوں کے جواب دے دئیے ہیں۔

 اداکارہ میرا سے جب نجی نیوز چینل نے میرا کی صحت سے متعلق پوچھا تو انہوں نے کہا کہ میرا پہلے بھی ٹھیک تھی اور اب بھی ٹھیک ہے۔ جب ان سے پوچھا گیا کہ اگر اداکارہ میرا ٹھیک ہے تو انہوں نے امریکہ میں چیک اپ کیوں کروایا؟ تو اداکارہ کی والدہ کا کہنا تھا کہ وہ جب بھی امریکہ جاتی ہیں وہاں جا کر چیک اپ اور ٹیسٹ کرواتی ہیں لہذا یہ ان کا ایک روٹین چیک اپ تھا۔

سوال کرنے والے نے پوچھا کہ کچھ لوگ کہتے ہیں کہ اداکارہ میرا کبھی سکینڈل تو کبھی کسی طرح سے افواہیں پھیلا کر بس خبروں میں رہنا چاہتی ہے تو کیا یہ سچ ہے؟ اداکارہ کی والدہ نے جواب دیا کہ میرا کو خبروں میں رہنے کی ضرورت نہیں ہے۔ 

لیکن بات یہ ہے کہ جو بھی فون کرتا ہے وہ طبیعت کا پوچھتا ہے اور اگر میرا زرا سا سردرد کا بھی بتائے تو لوگ چھوٹی سی بات کو بہت بڑا کر کے پیش کرتے ہیں۔

صحافی نے جب پوچھا کہ میرا شادی کیوں کر رہیں تو والدہ نے جواب دیا کہ ان کو بچپن سے ہی شادی سے چڑ ہے۔ ان کو بچوں سے بھی چڑ ہے جب وہ بچوں کو روتا دیکھتی ہیں۔

یہ بھی پڑھیں | عالیہ بھٹ نے ریپر محمد شاہ کی نئی ویڈیو کو “بہت ہارڈ” قرار دے دیا

انہوں نے کہا کہ میں ان کو شادی کا کہتی ہوں لیکن میرا کہتی ہے کہ مجھ سے بچے پالے نہیں جاتے۔

اداکارہ کی والدہ کا ایک سوال کے جواب میں کہنا تھا کہ وہ کبھی لوگوں کے طعنے سے پریشان نہیں ہوئیں۔ 

جب اداکارہ کی والدہ سے سوال کیا گیا کہ جب میرا کے اسکینڈل سامنے آتے ہیں تو کیا آپ کو دکھ ہوتا ہے؟ ان کا کہنا تھا کہ تھوڑا بہت دکح تو ہوتا ہے البتہ میں ایک تجربہ کار ماں، عورت اور ٹیچر ہوں۔ میں جانتی ہوں کہ یہ دنیا ہے اور یہاں بڑی سے بڑی شخصیت کو بھی اسکیندل کے لحاظ سے معاف نہیں کیا گیا تو میرا کیا چیز ہے۔

میرا کی والدہ نے بتایا کہ جب میرا نے شوبز شروع کیا تو انہوں نے خود اس کو سپورٹ کیا۔