ویسٹبری نیشنل ٹینس چیمپئن شپ کا 21 واں ایڈیشن جمعرات کے روز کراچی کلب میں شروع ہو گیا ہے منتظمین کے مطابق جس میں مختلف کیٹیگریز میں 230 سے زائد کھلاڑیوں نے شرکت کی ہے۔
پہلے دن مردوں کے سنگلز اور جونیئرز انڈر 18 سنگلز کی کوالیفائنگ میچز کھیلے گئے ہیں۔ اس کے ساتھ ہی مردوں کے سنگلز مین ڈرا کے مقابلے بھی شروع ہو گئے ہیں۔
مردوں کے سنگلز کوالیفائنگ راؤنڈ میں ارحم شہزاد نے فواز علی تجانی کو یکطرفہ مقابلے میں 0-8 سے شکست دی ہے۔ جاوید خان نے مولا مدد کو 0-8 سے ہرایا، جبکہ یاسر فاضلی نے ایم فواز کو 1-8 سے شکست دی ہے۔ ایم عیسیٰ جی نے امان گیریسن کو 2-8 سے ہرایا ہے اور ایک سخت مقابلے میں فرماں علی نے ایم حمزہ عیسیٰ جی کو 6-8 سے شکست دی ہے۔
جونیئرز انڈر 18 سنگلز میں زید علی نے خزعیمہ کو 0-8 سے باآسانی شکست دی ہے۔ احسن علی نے حافظ باسط علی کو 1-8 سے ہرایا، زین نومی نے احمد کتھ کو 0-8 سے شکست دی ہے اور یحییٰ بن زین نے حمزہ عیسیٰ جی کو بھی 0-8 سے ہرایا ہے۔
ادھر مردوں کے سنگلز مین ڈرا کے پہلے راؤنڈ کے میچز بھی شروع ہو گئے ہیں۔ لاریب شمسی نے شاہمیر عثمان کو 2-8 سے شکست دی ہے جبکہ عبداللہ تحسین نے ذیشان گیریسن کو بھی اسی اسکور 2-8 سے شکست دی ہے۔
چیمپئن شپ آئندہ چند روز تک جاری رہے گی جس میں مختلف عمر کے گروپس اور کیٹیگریز کے میچز کھیلے جائیں گے۔
یہ بھی پڑھیں : بنگلہ دیش کے خلاف ٹی ٹوئنٹی سیریز کے لیے پاکستانی اسکواڈ کا اعلان
