متحدہ عرب امارات (UAE) نے اپنی لیبر مارکیٹ کو مزید جدید بنانے اور دنیا بھر سے بہترین ٹیلنٹ کو راغب کرنے کے لیے ایک اور انقلابی قدم اٹھایا ہے۔ یو اے ای کی وزارتِ انسانی وسائل اور ایمریٹائزیشن (MoHRE) نے باقاعدہ طور پر ایک نیا الیکٹرانک اور سمارٹ ورک ویزا سسٹم لانچ کر دیا ہے۔ یو اے ای کا نیا ڈیجیٹل ورک پرمٹ متعارف ہونے کے بعد اب پاکستان سمیت دنیا بھر سے غیر ملکی ملازمین کو ہائر کرنے کا عمل نہ صرف انتہائی آسان ہو گیا ہے بلکہ اس سے کمپنیوں کے وقت اور اخراجات میں بھی ریکارڈ کمی واقع ہوگی۔ یہ فیصلہ یو اے ای کے اسمارٹ گورننس وژن 2026کے تحت کیا گیا ہے۔
نئے ڈیجیٹل ورک پرمٹ کی نمایاں خصوصیات اور پیپر لیس سسٹم
یو اے ای کی وزارت کے مطابق پرانے روایتی اور کاغذی طریقہ کار کو مکمل طور پر ختم کر کے اب 100 فیصد پیپر لیس ڈیجیٹل نظام لاگو کر دیا گیا ہے۔ اس نئے سسٹم کی سب سے بڑی خصوصیت یہ ہے کہ اب اماراتی کمپنیاں اپنے پورٹل کے ذریعے بیرونِ ملک بیٹھے کسی بھی ملازم کے لیے صرف چند منٹوں میں ورک پرمٹ کی درخواست آن لائن جمع کروا سکتی ہیں۔ وزارتِ داخلہ اور اقامہ کنٹرول کے محکموں کو اس نئے ڈیجیٹل پلیٹ فارم سے براہِ راست منسلک کر دیا گیا ہے جس کی بدولت پہلے جو ویزا پروسیسنگ 15 سے 30 دن لیتی تھی، وہ اب محض 24 سے 48 گھنٹوں کے اندر مکمل ہو جائے گی۔
بلاک چین ٹیکنالوجی اور کم ترین پراسیسنگ فیس
یو اے ای کا نیا ڈیجیٹل ورک پرمٹ سیکیورٹی اور شفافیت کے لحاظ سے بھی دنیا کا جدید ترین سسٹم ہے۔ اس پلیٹ فارم میں بلاک چین ٹیکنالوجی کا استعمال کیا گیا ہے جس کی وجہ سے جاب آفر لیٹر میں کسی بھی قسم کی ردوبدل یا جعلی دستاویزات کا امکان ہمیشہ کے لیے ختم ہو گیا ہے۔ اس کے علاوہ اماراتی حکومت نے کارپوریٹ سیکٹر کو ریلیف دینے کے لیے اس ڈیجیٹل ویزا کی کلاسیفیکیشن فیس میں بھی 30 فیصد تک کمی کر دی ہے جس سے چھوٹی اور درمیانی درجے کی کمپنیوںکے لیے پاکستان اور دیگر ممالک سے سستی لیبر اور ہائی ٹیک پروفیشنلز کو ہائر کرنا انتہائی آسان ہو جائے گا۔
پاکستانی محنت کشوں اور آئی ٹی پروفیشنلز کے لیے سنہری موقع
بین الاقوامی امور کے ماہرین کا ماننا ہے کہ اس نئے سمارٹ سسٹم کا سب سے زیادہ فائدہ پاکستانیوں کو پہنچے گا۔ پاکستان اس وقت یو اے ای کو افرادی قوت فراہم کرنے والا دوسرا بڑا ملک ہے ۔ یو اے ای کا نیا ڈیجیٹل ورک پرمٹ فعال ہونے کے بع اب پاکستانی آئی ٹی ماہرین، انجینئرز، ڈاکٹرز اور ہنرمند کارپینٹرز و الیکٹریشنز گھر بیٹھے یو اے ای کی کمپنیوں سے براہِ راست جاب آفر حاصل کر کے اپنا ویزا آن لائن ٹریک کر سکیں گے اس سے ایجنٹوں کے ہاتھوں ہونے والے فراڈ اور مہنگے ویزوں کی بلیک مارکیٹنگ کا بھی مکمل خاتمہ ہو جائے گا اور دونوں ممالک کے مابین ترسیلاتِ زر میں بھی ریکارڈ اضافہ متوقع ہے۔
امیدوار اب وزارت کی آفیشل ایپ یا ‘موہری’ (MoHRE) پورٹل پر جا کر اس ڈیجیٹل اجازت نامے کی مکمل گائیڈ لائنز حاصل کر سکتے ہیں۔
