سندھ فری سولر اسکیم: مفت سولر کٹس کس کو ملیں گی؟ اہل علاقے، خصوصیات اور آخری تاریخ

حکومتِ سندھ نے صوبے میں توانائی کے بحران پر قابو پانے اور غریب خاندانوں کو بجلی کے بھاری بلوں سے نجات دلانے کے لیے ایک تاریخی قدم اٹھایا ہے۔ پاکستان پیپلز پارٹی کے چیئرمین بلاول بھٹو زرداری کی ہدایات پر سندھ حکومت نے 18.20 ارب روپے کی لاگت سے ایک انقلابی منصوبے کا آغاز کیا ہے۔ اس سندھ فری سولر اسکیم کے تحت صوبے بھر میں 2 لاکھ 75 ہزار مستحق اور کم آمدنی والے خاندانوں کو بالکل مفت منی سولر ہوم سسٹم کٹس (Solar Home Systems) فراہم کی جا رہی ہیں۔ یہ آرٹیکل آپ کو اس اسکیم کی اہلیت، اضلاع، کٹ کی خصوصیات اور ڈیڈ لائن سے متعلق مکمل رہنمائی فراہم کرے گا۔ 

مفت سولر کٹس کے لیے کون اہل ہے؟ 

سندھ حکومت نے اس اسکیم میں شفافیت برقرار رکھنے کے لیے میرٹ پر مبنی انتہائی سخت اور واضح معیار مقرر کیا ہے۔ مفت سولر کٹ حاصل کرنے کے لیے درج ذیل خاندان اہل ہوں گے: 

بینظیر انکم سپورٹ پروگرام (BISP): اس اسکیم میں BISP کے ساتھ رجسٹرڈ انتہائی غریب اور مستحق خاندانوں کو پہلی ترجیح دی جائے گی۔

کم بجلی استعمال کرنے والے صارفین: ایسے صارفین جو گرڈ سے منسلک ہیں اور ماہانہ 100 یونٹ یا اس سے کم بجلی استعمال کرتے ہیں وہ اس اسکیم سے فائدہ اٹھا سکتے ہیں۔

پراٹیکٹڈ صارفین (Protected Consumers): وہ صارفین جو پچھلے 6 ماہ سے مسلسل 100 یونٹ سے کم بجلی استعمال کر رہے ہیں اس کے اہل ٹھہریں گے۔

اسکیم کے تحت شامل اہل علاقے اور اضلاع 

سندھ فری سولر اسکیم کو دو بنیادی حصوں میں تقسیم کیا گیا ہے تاکہ دور دراز اور محروم علاقوں تک بجلی پہنچائی جا سکے: 

آف گرڈ علاقے (Off-Grid Areas): ایسے دور دراز، صحرائی، پہاڑی اور دریا برد علاقے جہاں بجلی کی ترسیلی لائنیں (نیشنل گرڈ) سرے سے موجود ہی نہیں ہیں، وہاں کے 1 لاکھ 32 ہزار خاندانوں کو یہ کٹس دی جائیں گی۔

آن گرڈ علاقے (On-Grid Areas): ایسے علاقے جہاں بجلی موجود ہے لیکن لوگ بل ادا کرنے کی سکت نہیں رکھتے وہاں کے 1 لاکھ 43 ہزار خاندانوں کو کور کیا جائے گا۔

سندھ کے تمام 30 اضلاع میں یہ کٹس تقسیم کی جا رہی ہیں۔ اب تک کراچی، تھرپارکر، عمرکوٹ، دادو، گھوٹکی، ٹھٹھہ، سانگھڑ، میرپورخاص، نوشہرو فیروز اور شہید بینظیر آباد سمیت کئی اضلاع میں ہزاروں کٹس کامیابی سے نصب کی جا چکی ہیں۔

سولر کٹ کی تکنیکی خصوصیات 

حکومتِ سندھ کی جانب سے دی جانے والی منی سولر ہوم سسٹم کٹ ایک چھوٹے گھر کی بنیادی ضرورت کو پورا کرنے کے لیے ڈیزائن کی گئی ہے۔ اس کٹ کی تفصیلات درج ذیل ہیں:

یہ کٹ سندھ رورل سپورٹ آرگنائزیشن (SRSO) اور محکمہ توانائی کے تعاون سے مستحقین کے گھروں پر بالکل مفت نصب کر کے دی جا رہی ہے اور سروے یا تنصیب کے کسی بھی مرحلے پر کوئی فیس چارج نہیں کی جاتی۔

سولرکٹس کی تقسیم کی آخری تاریخ 

محکمہ توانائی سندھ اور وزیرِ اعلیٰ سندھ سید مراد علی شاہ کی زیرِ صدارت ہونے والے حالیہ اجلاسوں کے مطابق یہ منصوبہ فیز وائز (مرحلہ وار) چلایا جا رہا ہے۔ یہ پروجیکٹ باقاعدہ طور پر اپریل 2025 میں شروع کیا گیا تھا اور حکومت نے صوبے بھر کے تمام 2 لاکھ 75 ہزار خاندانوں تک کٹس کی ہدف کے مطابق فراہمی مکمل کرنے کے لیے جون 2027 کی حتمی تاریخ (Deadline) مقرر کی ہے۔ اس وقت تک تمام اضلاع میں ہفتہ وار بنیادوں پر کٹس کی تقسیم اور تنصیب کا عمل تیزی سے جاری رہے گا۔