واٹس ایپ کی جانب سے ایپ کو مزید بہتر بنانے کا سلسلہ جاری ہے۔ اس سلسلے میں اب واٹس ایپ ایک ایسے فیچر پر کام کر رہی ہے جس کے بعد آپ کو اپنے پسندیدہ نمبر ڈھونڈنے نہیں پڑیں گے بلکہ آپ کو فیورٹ لسٹ میں شامل کر سکیں گے۔
اس کا فائدہ یہ ہو گا کہ آپ اپنے مخصوص رابطوں سے آسانی کے ساتھ رابطہ کر سکیں گے۔
تفصیلات کے مطابق ابھی تک یہ فیچر بیٹا صارفین کے لئے بھی متعارف نہیں کروایا گیا ہے۔ تاہم اس پر ڈیویلپمنٹ ٹیم کا کام جاری ہے۔
اس فیچر کے بعد آپ کو زیادہ سکرول کی ضرورت نہیں رہے گی اور آپ اپنے رابطوں کے ساتھ مخصوص معلومات بھی شامل کر سکیں گے۔
یہ فیچر کب تک لائیو ہو گا اس بارے میں کچھ بھی کہنا قبل از وقت ہو سکتا ہے۔
