امریکی وزیر خارجہ نے وزیر اعظم شہباز شریف کو منتخب ہونے پر مبارکباد دی ہے اور انتھونی بلنکن نے کہا ہے کہ ان کا ملک پاکستان کے ساتھ اپنے دیرینہ تعاون کو جاری رکھنے کا منتظر ہے۔
امریکی وزیر خارجہ کی جانب سے جاری بیان میں کہا گیا ہے کہ پاکستان 75 سال سے وسیع تر باہمی مفادات کا اہم شراکت دار رہا ہے۔ امریکہ پاکستان کے ساتھ اپنے تعلقات کو قدر کی نگاہ سے دیکھتا ہے۔ ہم نو منتخب پاکستانی وزیر اعظم شہباز شریف کو مبارکباد دیتے ہیں اور پاکستان کے ساتھ اپنے دیرینہ تعاون کو جاری رکھنے کے منتظر ہیں۔ امریکہ ایک مضبوط اور جمہوری پاکستان کو باہمی فائدے کے لیے ضروری سمجھتا ہے۔
یہ بھی پڑھیں | عمران خان کا الیکشن ہونے تک سڑکوں پہ رہنے کا اعلان
دوسری جانب پینٹاگون کے ترجمان جان کربی نے پریس بریفنگ میں کہا کہ خطے میں استحکام کے حوالے سے امریکا کے پاکستان کے ساتھ مشترکہ مفادات ہیں۔ ہم تسلیم کرتے ہیں کہ پاکستان خطے میں کلیدی کردار ادا کرتا ہے۔ ہم تسلیم کرتے ہیں کہ پاکستان اور اس کے لوگ خود اپنے ملک میں دہشت گردانہ حملوں کا شکار ہیں۔
ایک سوال کے جواب میں جان کربی نے کہا کہ ہم پاکستان کی اندرونی سیاست پر تبصرہ نہیں کریں گے
