بنگلہ دیش کرکٹ بورڈ (بی سی بی) نے سال 2026 کے لیے اپنے ہوم انٹرنیشنل کرکٹ سیزن کے پروگرام کا اعلان کر دیا ہے۔ آئی سی سی ٹی ٹوئنٹی ورلڈ کپ 2026 کے بعد مارچ میں ہوم سیزن کا آغاز ہوگا جس میں پاکستان کا دورۂ بنگلہ دیش 2026 ایک اہم سیریز کے طور پر شامل ہے۔
اس سلسلے میں پاکستان کی ٹیم مارچ 2026 میں بنگلہ دیش کا دورہ کرے گی جہاں دونوں ٹیموں کے درمیان تین میچوں پر مشتمل ون ڈے انٹرنیشنل (او ڈی آئی) سیریز کھیلی جائے گی۔ اس کے بعد مئی 2026 میں پاکستان ایک بار پھر بنگلہ دیش کا دورہ کرے گا جہاں دو ٹیسٹ میچز کی سیریز کھیلی جائے گی جو آئی سی سی ورلڈ ٹیسٹ چیمپئن شپ (WTC) 2025–27 سائیکل کا حصہ ہوگی۔
پاکستان کا دورۂ بنگلہ دیش 2026: میچ شیڈول
3 ون ڈے میچز: 12 مارچ سے 16 مارچ
پہلا ٹیسٹ میچ: 8 مئی
دوسرا ٹیسٹ میچ: 16 مئی
بی سی بی کے مطابق یہ پروگرام بنگلہ دیشی شائقینِ کرکٹ کو ایک مکمل اور سنسنی خیز انٹرنیشنل کرکٹ سیزن فراہم کرے گا۔ پاکستان کے دورۂ بنگلہ دیش 2026 کے میچ وینیوز کا اعلان بعد میں کیا جائے گا۔
پاکستان کے علاوہ سال 2026 میں دیگر بین الاقوامی ٹیمیں بھی بنگلہ دیش کا دورہ کریں گی۔ نیوزی لینڈ اپریل اور مئی میں وائٹ بال سیریز کے لیے بنگلہ دیش آئے گا جس میں تین ون ڈے اور تین ٹی ٹوئنٹی انٹرنیشنل میچز شامل ہوں گے۔
یکم جون کو آسٹریلیا بنگلہ دیش کا دورہ کرے گا جبکہ بھارت اگست اور ستمبر میں دورہ کرے گا۔ دونوں ٹیموں کے دوروں میں تین ون ڈے اور تین ٹی ٹوئنٹی میچز شامل ہوں گے۔
اکتوبر اور نومبر میں ویسٹ انڈیز کے خلاف دو ٹیسٹ میچوں کی سیریز کے ساتھ ہوم سیزن کا اختتام ہوگا۔ یہ سیریز بھی آئی سی سی ورلڈ ٹیسٹ چیمپئن شپ کا حصہ ہوگی۔ ٹیسٹ میچز سے قبل 22 سے 24 اکتوبر تک بنگلہ دیش میں تین روزہ وارم اپ میچ بھی کھیلا جائے گا۔ پہلا ٹیسٹ 28 اکتوبر سے یکم نومبر جبکہ دوسرا ٹیسٹ 5 نومبر سے 9 نومبر تک کھیلا جائے گا۔
اس کے علاوہ سری لنکا اے ٹیم مئی 2026 میں بنگلہ دیش کا دورہ کرے گی۔ اس دورے میں دو چار روزہ میچز اور تین ون ڈے میچز شامل ہوں گے۔
پاکستان کا دورۂ بنگلہ دیش 2026 اور پورا ہوم سیزن شائقینِ کرکٹ کے لیے ایک یادگار اور سنسنی خیز سال ثابت ہونے جا رہا ہے۔
