پاکستان میں نئی واٹس ایپ ڈیسک ٹاپ ایپ لانچ

واٹس ایپ نے پاکستان میں اپنی نئی ڈیسک ٹاپ ایپ متعارف کرا دی ہے۔ لیکن اس بار کمپنی نے پرانے انداز کو چھوڑ کر ایک نیا طریقہ اپنایا ہے۔ ماضی میں واٹس ایپ کا ونڈوز ورژن ایک “نیٹو ایپ” تھا مگر اب میٹا (Meta) نے اسے ویب پر مبنی ورژن میں تبدیل کر دیا ہے جو Microsoft WebView2 ٹیکنالوجی کے ذریعے چلتا ہے۔ یہ تبدیلی پہلے عالمی سطح پر کی گئی تھی اور اب پاکستان میں بھی دستیاب ہے۔

پہلے جو ایپ تھی وہ Universal Windows Platform (UWP) پر بنی تھی جسے تیز اور بہتر بتایا جاتا تھا مگر حقیقت میں وہ اکثر سست چلتی تھی اور کریش ہو جاتی تھی۔ نیا ورژن ایک ویب ریپر (Web Wrapper) ہے یعنی یہ بنیادی طور پر واٹس ایپ ویب کا ہی ڈیسک ٹاپ پیکج ہے۔ اگرچہ یہ مکمل نیٹو ایپ نہیں ہے لیکن ابتدائی تجربات کے مطابق یہ پہلے سے زیادہ آسان لگتا ہے۔

ایک خامی یہ سامنے آئی ہے کہ نیا واٹس ایپ ڈیسک ٹاپ ایپ زیادہ RAM استعمال کرتا ہے۔ رپورٹس کے مطابق نیا ورژن (2.2584.3.0) زیادہ استعمال کے دوران تقریباً 2GB RAM تک کھا سکتا ہے، جبکہ پرانے ورژن میں یہ صرف 120MB کے قریب استعمال ہوتی تھی۔ اس کا مطلب ہے کہ کمزور یا پرانے لیپ ٹاپ رکھنے والے صارفین کو کارکردگی کے مسائل پیش آ سکتے ہیں۔ تاہم، پرانی ایپ بھی ان ڈیوائسز پر اچھی کارکردگی نہیں دیتی تھی، لہٰذا اس لحاظ سے زیادہ فرق نہیں پڑتا۔

واٹس ایپ ڈیسک ٹاپ ایپ فیچرز

نئے واٹس ایپ ایپ کا ڈیزائن پہلے کے مقابلے میں زیادہ سادہ ہے۔ سیٹنگز اور نوٹیفکیشنز اب کم آپشنز کے ساتھ دکھائی دیتے ہیں۔ تاہم، چند نئے فیچرز بھی شامل کیے گئے ہیں جیسے کہ:

واٹس ایپ چینلز (Channels) کی سپورٹ

اسٹیٹس اور کمیونٹیز (Communities) کے ساتھ بہتر انضمام

لیکن مجموعی طور پر، نیا ڈیزائن Windows 11 کے انداز سے کم میل کھاتا ہے۔

میٹا نے اس تبدیلی کی بنیادی وجہ ترقیاتی عمل کو آسان بنانا بتائی ہے۔ WebView2 ٹیکنالوجی کے ذریعے واٹس ایپ ایک ہی بنیادی ورژن کو تمام پلیٹ فارمز (Windows، macOS وغیرہ) پر چلا سکتا ہے، اس طرح الگ الگ ایپس بنانے کی ضرورت نہیں رہتی۔ اگرچہ ابھی کچھ فیچرز کم ہیں مگر وقت کے ساتھ یہ بھی شامل کیے جانے کا امکان ہے

ابھی تک یہ نیا اپڈیٹ پاکستان کے تمام صارفین تک نہیں پہنچا۔ اگر آپ کے پاس ابھی تک نیا ورژن نہیں آیا تو کچھ دن انتظار کریں۔ اس دوران، یقینی بنائیں کہ آپ کا واٹس ایپ اپڈیٹ ہے تاکہ نیا ورژن جلد آپ تک پہنچ سکے۔

نئے واٹس ایپ ڈیسک ٹاپ ایپ کے نمایاں فیچرز