پاکستانی فٹبالر سعد اللہ خان نے تاریخ رقم کردی
پاکستان کے اسٹار فٹبالر سعد اللہ خان 28 سال کی عمر میں ایف اے لیول ٹو کا کوچنگ کورس مکمل کرنے والے ملک کے پہلے کھلاڑی بن گئے ہیں۔
سعد اللہ خان سوئی سدرن گیس کمپنی فٹ بال کلب اور پاکستان کی قومی ٹیم کے لیے مڈفیلڈر کے طور پر کھیلتے ہیں۔ انہیں پاکستان کے بہترین نوجوان کھلاڑیوں میں سے ایک سمجھا جاتا ہے جو رفتار، تکنیک، ڈرائبلنگ کی مہارت اور پلے بنانے کی صلاحیتوں کے مالک ہیں۔
یہ بھی پڑھیں | پاکستان ون ڈے کی نمبر 1 ٹیم بن گیا
فٹ بال کھلاڑی سعد اللہ خان کا تعارف
پشین، بلوچستان میں پیدا ہونے والے سعد اللہ خان نے نوعمری میں ہی فٹ بال کھیلنا شروع کر دیا۔ سال 2008 میں انہوں نے یوتھ اکیڈمی پشین میں تربیت حاصل کی۔ ایک سال کے بعد، وہ 14 سال کی عمر میں پاک الیکٹرون کے لیے کھیلے۔
تقریبا 28 سالہ نوجوان نے 2012 سے 2014 تک تین بار پاکستان پریمیئر لیگ (پی پی ایل) جیتا جبکہ سعد اللہ خان نے ریسرچ لیبارٹریز کے لیے کھیلتے ہوئے 2011 اور 2012 میں چیلنج کپ بھی جیتا تھا۔
انہوں نے اپنا پہلا بین الاقوامی گول 2015 میں افغانستان کے خلاف کیا۔
یاد رہے کہ سعد اللہ خان پاکستان کے لیے 42 بین الاقوامی میچوں میں کھیل چکے ہیں۔
