پاکستان اسپیس اینڈ اپر ایٹموسفیر ریسرچ کمیشن (سپارکو) نے پیش گوئی کی ہے کہ نیا اسلامی سال 1447 ہجری ممکنہ طور پر بدھ 26 جون کی شام چاند نظر آنے کے بعد شروع ہوگا۔
بیان کے مطابق محرم الحرام کا چاند 25 جون کو سہ پہر 3 بج کر 32 منٹ پر پیدا ہونے کی توقع ہے اور 26 جون کی شام تک اس کی عمر تقریباً 28 گھنٹے ہو جائے گی جو کہ چاند نظر آنے کے لیے موزوں عمر ہے
ماہرینِ فلکیات کی جانب سے اسلامی سال 1447 ہجری کے آغاز اور یومِ عاشور کے حوالے سے امکانات کا اظہار کیا گیا ہے۔
— Daily Jang (@jang_akhbar) June 21, 2025
تفصیلات جانیے: https://t.co/gDGj1ByKDf#DailyJang pic.twitter.com/qFjpsxlVnM
سپارکو کے ترجمان نے مزید بتایا کہ پاکستان کے ساحلی علاقوں میں سورج غروب ہونے اور چاند غروب ہونے کے درمیان کا دورانیہ تقریباً 75 منٹ ہوگا جو کہ چاند نظر آنے کے لیے سازگار وقت ہے۔
اگر چاند 26 جون کو نظر آ جاتا ہے تو یوم عاشورہ (10 محرم) ہفتہ، 6 جولائی کو ہوگا۔ادھر مرکزی رویتِ ہلال کمیٹی جمعرات کی شام کو اجلاس منعقد کرے گی تاکہ چاند کی رویت کی تصدیق کی جا سکے جبکہ زونل کمیٹیاں بھی اپنے اپنے مراکز پر چاند دیکھنے کے لیے اجلاس کریں گی۔
