عثمان قادر کا انٹرنیشنل کرکٹ سے ریٹائرمنٹ کا اعلان

پاکستان کے لیگ اسپنر عثمان قادر نے 31 سال کی عمر میں انٹرنیشنل کرکٹ سے ریٹائرمنٹ کا اعلان کر دیا ہے۔ 

عثمان نے سوشل میڈیا کے ذریعے اپنے ریٹائرمنٹ کا اعلان کرتے ہوئے اپنی کرکٹ کے سفر پر روشنی ڈالی اور ان تمام افراد کا شکریہ ادا کیا جنہوں نے ان کے کیریئر میں ساتھ دیا۔ 

عثمان نے کہا کہ پاکستان کے لیے کھیلنا ان کے لیے اعزاز کی بات تھی، اور وہ اپنے والد، مرحوم عبد القادر، کی وراثت کو آگے بڑھانے کے عزم کا اظہار کرتے ہیں۔

عثمان قادر نے اپنے کیریئر میں 25 ٹی20 انٹرنیشنل اور ایک ون ڈے میچ پاکستان کی نمائندگی کرتے ہوئے کھیلا۔ 2020 میں اپنے ڈیبیو کے بعد، انہیں پاکستان کے اہم لیگ اسپنر کے طور پر دیکھا جاتا تھا، اور انہوں نے 2022 ایشیا کپ میں بھی شرکت کی تھی۔ 

تاہم، انہیں مسلسل مواقع نہ ملنے پر مایوسی کا سامنا تھا اور حالیہ دنوں میں این او سی کے مسائل بھی ان کی کرکٹ سے علیحدگی کی وجوہات میں شامل رہے ہیں۔