سابق وفاقی وزیر اور سینیٹر عباس آفریدی جمعہ کے روز گیس لیک ہونے کے نتیجے میں دھماکے سے جھلسنے کے باعث جاں بحق ہو گئے ہیں۔ دھماکے میں تین دیگر افراد بھی جھلس کر زخمی ہوئے ہیں۔
سینیٹر عباس آفریدی کی نماز جنازہ آج جمعہ کو شام 5 بجے بابری بانڈہ، کوہاٹ میں ادا کی جائے گی۔
إِنَّا لِلّهِ وَإِنَّـا إِلَيْهِ رَاجِعونَ
— ارشد آ فریدی (@Arshad_Afridi) June 6, 2025
Saddened by the passing of Senator Abbas Afridi a dedicated PML-N leader, visionary businessman & kind philanthropist. His contributions to Kohat & beyond will never be forgotten. May Allah grant him Jannah. Ameen.
گورنر خیبرپختونخوا فیصل کریم کنڈی نے عباس آفریدی کے انتقال پر گہرے دکھ اور افسوس کا اظہار کیا ہے۔ انہوں نے متعلقہ حکام کو واقعے کی مکمل اور شفاف تحقیقات کرنے کی ہدایت بھی جاری کی ہے۔
ریسکیو 1122 کے ترجمان کے مطابق دھماکہ کوہاٹ میں اس وقت پیش آیا جب عباس آفریدی اور ان کے دوست حجرے میں موجود تھے۔ گیس لیک ہونے کی وجہ سے اچانک دھماکہ ہوا جس سے حجرے کی دیواریں بھی متاثر ہوئیں۔ ریسکیو ٹیموں نے زخمیوں کو فوری طور پر کوہاٹ کے کمبائنڈ ملٹری ہسپتال (CMH) منتقل کیا۔ سینیٹر عباس آفریدی کو حالت نازک ہونے کے باعث ہیلی کاپٹر کے ذریعے پنجاب کے شہر کھاریاں میں واقع برن سینٹر منتقل کیا گیا۔
کوہاٹ پولیس کے ترجمان نعمان علی کے مطابق عباس آفریدی کی حالت تشویشناک ہو گئی تھی اور وہ زخموں کی تاب نہ لاتے ہوئے دم توڑ گئے۔ ان کی میت کو آج جمعہ کے روز کوہاٹ واپس لایا گیا ہے۔ باقی تین زخمی افراد دِلنواز، جاوید آفریدی اور ندیم کو علاج کے لیے ڈویژنل ہیڈ کوارٹر ہسپتال منتقل کر دیا گیا ہے۔
یہ بھی پڑھیں : پاکستان اقوام متحدہ کی سلامتی کونسل کی انسداد دہشت گردی کمیٹی کا نائب چیئرمین مقرر
