صحت مند زندگی کیلئے قد کے حساب سے آپ کا وزن کتنا ہونا چاہیے؟ انتہائی مفید معلومات جانئے

وزن کا بہت زیادہ بڑھ جانا یا کم ہونا دونوں ہی بہت نقصان دہ ہیں۔ اس بات کو جاننا بہت ضروری ہے ک آپ کی عمر کے حساب سے آپ کا وزن کتنا ہونا چاہئے۔ اگر آپ کو یہ معلوم ہوجائے تو آپ اس حساب سے اپنے وزن کو کم یا زیادہ کرنے کی بہتر کوشش کرسکتے ہیں۔

عمراور قد کے حساب سے وزن بتانےکے لئے گوگل پر بہت سارے کیلکولیٹر اور ٹولز موجود ہیں۔ لیکن یہ بات یاد رکھنا بہت ضروری ہے کہ وزن کا عمر، قد اور آپ کے جسم کی کمپوزیشن پر بہت زیادہ انحصار ہوتا ہے۔ لہٰذا ان تمام ٹولز کو بطور راہنمائی ہی دیکھا جائے اور اپنے حساب سے جسم کو تندرست رکھا جائے۔

مثالی وزن کتنا ہونا چاہئے؟

جیسا کہ اوپر بھی بتایا کہ ایسے بہت سارے عوامل ہیں جن پر آپ کے وزن کا انحصار ہوتا ہے۔ جیسا کہ آپ کی عمر، مسلز کا سائز، جسمانی سرگرمی اور ایسے بہت سارے عوامل ہیں ۔ اسی طرح مرد کے لئے وزن کا پیمانہ عورت کے مقابلے میں مختلف ہے۔ اب جب ہم کسی ایسے جادوئی پیمانے کی طرف دیکھ رہے ہیں جو ہمیں بتائے کہ مثالی وزن کیا ہونا چاہیے تو میں آپ کو بتاتا چلوں کہ ایسا کوئی جادوئی پیمانہ موجود نہیں ہے۔

لیکن ہاں اپنےوزن کو اپنے جسم کے حساب سےبرقرار رکھنا بیماری کے خطرے کو کم کردیتا ہے۔ بی ایم آئی ایک ایسا ٹول ہے جو آپ کو بتاتا ہے کہ آپ کا وزن کتنا ہونا چاہئے۔ مگر باڈی ٹائپ مختلف ہونے کی وجہ سے یہ ہمیشہ درست نہیں ہوسکتا۔ نیچے آپ کے قد کے حساب سے ایک وزن کا پیمانہ دیا گیا ہے جس سے آپ اپنے وزن کو جانچ سکتے ہیں کہ آیا وہ کم ہے یا زیادہ۔