جڑواں شہروں راولپنڈی اور اسلام آباد میں مسیحی برادری نے 40 دن کے روزوں کے بعد ایسٹر کا دن منایا جسے ‘لینٹ’ کہا جاتا ہے۔ اس دوران سیکورٹی اداروں کی جانب سے سیکورٹی کے انتظامات بھی کئے گئے۔
ایسٹر سنڈے سے قبل مسیحی برادری نے ’گڈ فرائیڈے‘ منایا جس کے بعد ہفتے کی رات راولپنڈی اور اسلام آباد میں مختلف گرجا گھروں میں عبادات کا اہتمام کیا گیا۔
اسی طرح، گرجا گھروں بھی اتوار کے روز بڑے اجتماعات ہوئے۔ مسیحی برادری نے دنیا میں امن، محبت اور بھائی چارے کے لیے دعا کی۔
خطبوں کے دوران، پادریوں نے مذہبی رواداری اور بھائی چارے کی ضرورت پر زور دیا۔
بشپ جوزف ارشد نے فلسطین میں امن کے لیے دعا کی اور غزہ میں اسرائیل کے تشدد کی مذمت کی۔ انہوں نے کہا کہ مسیحی برادری ملک کی ترقی میں اپنا کردار ادا کر رہی ہے۔
تاہم مہنگائی نے اس چھٹی کو بھی متاثر کیا ہے۔ کئی مسیحیوں نے تحائف میں دی جانے والی اشیاء کی قیمتوں میں اضافے کی شکایت کی ہے۔
پولیس نے گرجا گھروں اور اس کے اطراف میں خصوصی انتظامات کیے تھے۔ انہوں نے مرکزی داخلی راستوں پر واک تھرو گیٹ لگائے اور زائرین کو چیک کرنے کے لیے میٹل ڈیٹیکٹر کا استعمال کیا۔
سیکورٹی پر موجود ایک پولیس اہلکار کا کہنا تھا کہ ان انتظامات کا مقصد تہوار کے دوران کسی بھی ناخوشگوار صورتحال سے بچنا تھا۔
