پاکستانی آل راؤنڈر شاداب خان نے کرکٹرز کے جانب سے خواتین اداکاراؤں کو سوشل میڈیا پر پیغامات بھیجنے کے دعوؤں پر خاموشی توڑ دی۔ انہوں نے اس معاملے پر دلچسپ باتیں شیئر کیں۔
"اگر کرکٹرز پیغامات بھیجتے ہیں تو اس میں غلط کیا ہے؟”
شو کے دوران ایک مداح نے شاداب خان سے سوال کیا:
"زیادہ تر خواتین اداکارائیں دعویٰ کرتی ہیں کہ کرکٹرز انہیں سوشل میڈیا پر پیغامات بھیجتے ہیں، تو کیا آپ نے کبھی کسی اداکارہ کو میسج کیا؟”
شاداب خان نے اس سوال کو تحمل سے سننے کے بعد جواب دیا: "اگر کرکٹرز پیغام بھیجتے بھی ہیں تو اس میں غلط کیا ہے؟”
انہوں نے مزید وضاحت کی:
"ہر کسی کے پاس بلاک کرنے کا آپشن ہوتا ہے، اگر کسی کو اچھا نہ لگے تو جواب نہ دے۔ لیکن ایسا بھی نہیں کہ صرف کرکٹرز ہی پیغامات بھیجتے ہیں، بعض اداکارائیں بھی دلچسپی ظاہر کرتی ہیں اور جواب دیتی ہیں، جیسے کہ وہ بات کرنا چاہتی ہوں۔”
"کچھ اداکارائیں صرف شہرت کے لیے ایسا کرتی ہیں”
شاداب نے مزید کہا کہ بعض اداکارائیں اپنی شہرت کے لیے کرکٹرز کے ساتھ ایسے تنازعات جوڑتی ہیں، خاص طور پر جب کوئی بڑا ٹورنامنٹ یا ورلڈ کپ ہو، تو ایسے دعوے سامنے آتے ہیں کیونکہ تب سب کی نظریں کرکٹ پر ہوتی ہیں۔
انہوں نے یہ بھی بتایا کہ جب ایسی باتیں میڈیا میں آتی ہیں تو ٹیم کے کھلاڑی آپس میں مذاقاً پوچھتے ہیں کہ "یہ میسج کس نے بھیجا تھا؟”
شاداب اور دیگر کرکٹرز کے مبینہ تعلقات کے دعوے
یہ پہلی بار نہیں کہ شاداب خان کا نام اس قسم کے تنازعات میں آیا ہو۔
گزشتہ سال ٹک ٹوکر شاہتاج خان نے دعویٰ کیا تھا کہ شاداب ان سے بات کرتے تھے اور انہوں نے انہیں شادی کی پیشکش بھی کی تھی۔
اس کے علاوہ اداکارہ نوال سعید نے بھی دعویٰ کیا تھا کہ پاکستانی کرکٹرز انہیں سوشل میڈیا پر پیغامات بھیجتے ہیں۔
