وفاقی تحقیقاتی ادارے (ایف آئی اے) نے پیر کو مسلم لیگ (ن) کی نائب صدر مریم نواز کی جعلی ویڈیوز سوشل میڈیا پر پھیلانے کے الزام میں ایک شخص کو گرفتار کر لیا ہے۔
ڈان ڈاٹ کام کی خبر کے مطابق، 7 مئی کو، مریم نواز نے سوشل میڈیا پلیٹ فارمز پر اپنی وائرل ہونے والی جعلی اور قابل اعتراض تصاویر کے خلاف ایف آئی اے میں مقدمہ درج کرایا تھا۔
جمعرات کو ٹویٹر پر، مسلم لیگ (ن) کی رہنما نے کہا تھا کہ انہوں نے متعلقہ حکام کو اس معاملے کی اطلاع دی ہے اور اس رپورٹ پر کارروائی کا انتظار کر رہی ہیں۔
یہ بھی پڑھیں | جانئے ویوہ ایکس 80 پرو فون سے متعلق معلومات
شکایت پر کارروائی کرتے ہوئے ایف آئی اے نے مریم نواز کی جعلی ویڈیوز شیئر کرنے پر ملزم فیاض الدین کو گرفتار کر لیا۔ ایف آئی اے کے ترجمان نے بتایا کہ ملزم کے خلاف مقدمہ درج کر لیا گیا ہے۔
بعد ازاں ملزم کو ریمانڈ کے لیے عدالت میں پیش کیا گیا۔ دریں اثنا عدالت نے ملزم کو سات روزہ جوڈیشل ریمانڈ پر جیل بھیج دیا۔
