راولپنڈی میونسپل کارپوریشن نے توڑ پھوڑ میں ملوث 3 ملازمین کو برطرف کر دیا
راولپنڈی میونسپل کارپوریشن نے جناح ہاؤس (کور کمانڈر ہاؤس) میں توڑ پھوڑ اور جلاؤ گھراؤ کے حالیہ واقعے میں مبینہ طور پر ملوث تین ملازمین کو فوری طور پر برطرف کر دیا ہے۔
ملازمین کی شناخت ہارون، شاہد رضا اور ادریس کے نام سے ہوئی ہے۔ ان کی ملازمت ختم کرنے کا فیصلہ واضح شواہد کے بعد کیا گیا ہے۔ دستیاب فوٹیج میں انہیں شرپسندوں کے ساتھ دیکھا گیا۔
یہ بھی پڑھیں | سندھ اسمبلی نے تحریک لبیک کی تحریک انصاف کے خلاف سخت کارروائی کی قرارداد منظور کرلی
ادریس محکمہ خزانہ کے انچارج تھے۔ ان کے ساتھ شاہد رضا اور ہارون نے جونیئر عہدوں پر خدمات انجام دیں۔
ایک روز قبل لاہور میں فیڈرل انویسٹی گیشن ایجنسی (ایف آئی اے) کے سائبر کرائم ونگ نے جناح ہاؤس (کور کمانڈر ہاؤس) میں توڑ پھوڑ اور جلاؤ گھیراؤ کی کارروائیوں کے ذمہ دار تمام مجرموں کی پروفائلنگ اور ان کی شناخت کو عوامی طور پر ظاہر کرنے کا فیصلہ کیا ہے۔
ایف آئی اے حکام کے مطابق ملزمان کی پروفائلنگ کا عمل شروع ہو چکا ہے خاص طور پر ان کے سوشل میڈیا اکاؤنٹس پر توجہ دی جائے گی۔
