پاکستان میں ڈیجیٹل بینکاری کے فروغ اور عوام کو فوری، آسان اور محفوظ پیسوں کی ترسیل کا موقع دینے کے لیے اسٹیٹ بینک آف پاکستان نے راست کے نام سے ایک جدید ڈیجیٹل ادائیگی کا نظام متعارف کروایا ہے۔ اس کا ایک اہم جزو راست آئی ڈی ہے جو مالی لین دین کو مزید آسان اور عوامی سطح پر قابلِ فہم بناتا ہے۔
راست آئی ڈی کیا ہے؟
راست آئی ڈی ایک منفرد شناختی کوڈ یا نمبر ہوتا ہے جو آپ کے بینک اکاؤنٹ سے منسلک ہوتا ہے۔ عام طور پر یہ آپ کا رجسٹرڈ موبائل نمبر ہوتا ہے جس کے ذریعے آپ بغیر اکاؤنٹ نمبر یاد کیے پیسے سینڈ اور وصول کرسکتے ہیں۔
یہ سہولت بلکل اسی طرح ہے جیسے کںسی کو فون نمبر پر پیغام بھیجنا اب آپ فون نمبر پر رقم بھی بھیج سکتے ہیں۔
راست آئی ڈی کے فوائد
آسانی اور سہولت: بینک اکاؤنٹ نمبر یاد رکھنے کی ضرورت نہیں صرف موبائل نمبر کافی ہے۔
محفوظ ادائیگیاں: اسٹیٹ بینک کا محفوظ نظام استعمال ہوتا ہے۔
فوری ٹرانزیکشن: چند سیکنڈز میں رقم منتقل ہو جاتی ہے۔
بلا معاوضہ سروس: فی الحال یہ سروس بالکل مفت ہے۔
بینکوں کے درمیان رابطہ: مختلف بینکوں کے درمیان فوری ادائیگیاں ممکن۔
راست آئی ڈی کیسے بنائیں؟
آپ آسانی سے اپنی راست آئی ڈی درج ذیل طریقوں سے بنا سکتے ہیں:
موبائل ایپ کے ذریعے:
اپنے بینک کی موبائل ایپ کھولیں راست یا راست آئی ڈی کا آپشن منتخب کریں اور اپنی مرضی کا موبائل نمبر یا شناخت درج کریں۔
انٹرنیٹ بینکنگ کے ذریعے:
بینک کی ویب سائٹ پر لاگ ان کریں راست سروسز میں جا کر اپنی راست آئی ڈی رجسٹر کریں۔
بینک برانچ جا کر:
اگر آپ آن لائن طریقے سے مطمئن نہیں تو قریبی بینک برانچ جا کر مدد حاصل کریں۔
راست آئی ڈی سے پیسے کیسے بھیجیں یا وصول کریں؟
پیسے بھیجنے کے لیے صرف وصول کنندہ کا راست آئی ڈی (موبائل نمبر) درج کریں رقم لکھیں اور بھیج دیں۔
پیسے وصول کرنے کے لیے آپ کا دوست یا کوئی ادارہ آپ کا راست آئی ڈی درج کرے گا اور آپ کو فوری رقم موصول ہو جائے گی۔
راست آئی ڈی کن بینکوں میں دستیاب ہے؟
تقریباً تمام بڑے پاکستانی بینک جیسے:
HBL
Meezan Bank
UBL
Bank Alfalah
MCB
Allied Bank
JazzCash اور Easypaisa (منتخب سہولیات کے ساتھ)
راست آئی ڈی اور پرائویسی
آپ کا ڈیٹا اور ٹرانزیکشن اسٹیٹ بینک کی نگرانی میں محفوظ رہتے ہیں اور یہ سروس بین الاقوامی معیار کے سیکیورٹی پروٹوکول پر عمل کرتی ہے۔یہ بھی پڑھیں : وزیراعظم لیپ ٹاپ اسکیم 2025: درخواست دینے کی آخری تاریخ میں توسیع
