وفاقی حکومت پاکستان نے عیدالاضحیٰ 2025 کے موقع پر چار روزہ سرکاری تعطیلات کا باقاعدہ اعلان کر دیا ہے۔ سرکاری نوٹیفکیشن کے مطابق عید کی چھٹیاں جمعہ 6 جون سے پیر 9 جون تک ہوں گی۔
اس سے قبل مرکزی رویت ہلال کمیٹی نے اعلان کیا تھا کہ عیدالاضحیٰ کا پہلا دن ہفتہ 7 جون کو منایا جائے گا۔
اسی طرح بلوچستان حکومت نے بھی جمعرات 5 جون سے اتوار 8 جون تک چار روزہ تعطیلات کا اعلان کیا ہے۔
عیدالاضحیٰ اسلامی کیلنڈر کے مہینے ذوالحج کی 10 تاریخ کو منائی جاتی ہے، جو کہ اسلام کے بڑے مذہبی تہواروں میں سے ایک ہے۔
دنیا بھر کے مسلمان اس موقع پر حضرت ابراہیم علیہ السلام کی سنت کی یاد میں قربانی کرتے ہیں تاکہ اللہ تعالیٰ کی رضا حاصل کی جا سکے۔
یہ بھی پڑھیں ; افغانستان نے پاکستان میں سفیر مقرر کر دیا
