انٹرنیشنل کرکٹ کونسل (آئی سی سی) نے خواتین کے ون ڈے ورلڈ کپ 2025 کے شیڈول اور وینیوز کا باضابطہ اعلان کر دیا ہے۔ یہ ٹورنامنٹ 30 ستمبر سے 2 نومبر تک جاری رہے گا۔
اس ایونٹ میں 8 ٹیمیں حصہ لیں گی:
بھارت، آسٹریلیا، انگلینڈ، جنوبی افریقہ، نیوزی لینڈ، سری لنکا، بنگلہ دیش اور پاکستان۔
بھارت میزبان ملک ہو گا اور ٹورنامنٹ کا پہلا میچ بنگلہ دیش کے خلاف 30 ستمبر کو بنگلور میں کھیلے گا۔
جبکہ پاکستان کے میچز سری لنکا میں ہوں گے کیونکہ پاکستان اور بھارت کے درمیان کشیدہ سیاسی حالات کی وجہ سے پاکستانی ٹیم بھارت کا سفر نہیں کرے گی۔
ٹورنامنٹ کے لیے پانچ اسٹیڈیمز منتخب کیے گئے ہیں:
بھارت میں:
چناسوامی اسٹیڈیم (بنگلور)
اے سی اے اسٹیڈیم (گواہاٹی)
ہولکر اسٹیڈیم (اندور)
وی ڈی سی اے اسٹیڈیم (وشاکھا پٹنم)
سری لنکا میں:
آر پریماداسا اسٹیڈیم (کولمبو)
ناک آؤٹ میچز (سیمی فائنل اور فائنل) کے مقامات پاکستان کی کوالیفائی کرنے کی صورت میں تبدیل ہو سکتے ہیں:
پہلا سیمی فائنل: 29 اکتوبر – گواہاٹی (بھارت) یا کولمبو (سری لنکا)
دوسرا سیمی فائنل: 30 اکتوبر – بنگلور (بھارت)
فائنل: 2 نومبر – بنگلور یا کولمبو
اگر پاکستان سیمی فائنل یا فائنل میں پہنچتا ہے تو وہ میچز کولمبو میں کھیلے جائیں گے تاکہ نیوٹرل وینیو کا اصول برقرار رہے۔
یہ فیصلہ ایک ہائبرڈ ماڈل کے تحت کیا گیا ہے جس پر اس وقت اتفاق ہوا تھا جب بھارت نے چیمپئنز ٹرافی کے لیے پاکستان آنے سے انکار کر دیا تھا۔
اب اس ماڈل کے مطابق پاکستان بھارت میں ہونے والے کسی بھی آئی سی سی ٹورنامنٹ میں اپنے میچز نیوٹرل وینیو پر کھیلے گا اور یہ اصول 2027 تک لاگو رہے گا۔
یہ بھی پڑھیں : جنوبی افریقہ بمقابلہ نیوزی لینڈ لائیو اسکور – آئی سی سی چیمپئنز ٹرافی 2025
