تفصیلات کے مطابق اس شو کا کلپ سوشل میڈیا پر وائرل ہونے کے بعد مداح نوشین شاہ کے جواب کے منتظر رہے لیکن نوشین شاہ کی جانب سے پہلے تو کوئی واضح جواب نا آیا۔ لیکن انہوں نے انسٹاگرام اسٹوری پر ایک مختصر کیپشن لکھا۔
انسٹاگرام سٹوری کے کیپشن میں اداکارہ نے لکھا کہ جب آپ ایک سلطنت کی تعمیر میں مصروف ہوں تو آپ کسی کی احمقانہ باتوں پر توجہ نہیں دیتے ہیں لہذا میرے پاس اتنا وقت نہیں کہ میں جواب دوں۔
یہ بھی پڑھیں | مہوش حیات نے اپنے پاگل پن کا خود علاج تلاش کر لیا
میڈیا سے گفتگو کے دوران نوشین شاہ نے کہا کہ کیا کوئی کسی کےگھر بغیر بلائے جاسکتا ہے؟ میں تو کسی کے گھر بھی ایسے نہیں جاتی اور اگر مجھے شادی پہ نا بلایا جاتا تو آخر میں شادی میں کیسے جاتی؟ اداکارہ نے مزید کہا کہ بے وقوف کو اپنی تقریر سے اور دانش مند کو اپنی خاموشی سے پہچانا جاتا ہے۔
انہوں نے دعوی کیا کہ یاسر نے مجھے خود فون کیا اور شادی پر مدعو کیا تھا۔
اداکار ہ نے اپنی گفتگو میں مزید کہا کہ مجھے یاسر کی گفتگو پر افسوس ہے کیونکہ یقینا یاسر کے ساتھ کچھ شدید ذہنی مسائل ہیں اور مجھے اقرا پر بھی افسوس ہے کہ وہ اس کی اس مہم کا حصہ ہیں۔
نوشین شاہ نے کہا کہ وہ یاسر کی بات سے بہت زیادہ مایوس ہوئی ہیں اور اب وہ توقع کرتی ہیں کہ یاسر شاہ ان سے معافی مانگیں گے۔
