کوئٹہ میں شادی ہال اور ریسٹورنٹ رات 10 بجے بند کر دیے جائیں گے
بلوچستان حکومت نے آج منگل کو کوئٹہ میں شادی ہالز اور ریسٹورنٹس رات 10 بجے بند کرنے کا فیصلہ کیا ہے۔
کمشنر کوئٹہ ڈویژن سہیل الرحمان بلوچ کی زیر صدارت نیشنل انرجی پالیسی پر عملدرآمد کے حوالے سے اجلاس ہوا۔
یہ بھی پڑھیں| شاہد آفریدی نہیں چاہتے کہ شاہین آفریدی پاکستانی ٹیم کی قیادت کریں
یہ بھی پڑھیں| پاکستان کا امدادی جہاز شام پہنچ گیا
توانائی بحران سے متعلق اہم فیصلے
اجلاس میں صوبائی سیکرٹری توانائی بشیر بازئی اور چیمبرز آف کامرس اور مرکزی انجمن تاجران بلوچستان کے نمائندوں نے شرکت کی۔ وفاقی توانائی پالیسی اور توانائی بحران سے متعلق اہم فیصلے کر لیے گئے جس کے مطابق شہر کے تمام شادی ہالز اور ریسٹورنٹس رات 10 بجے بند کر دیے جائیں گے۔
مرکزی کاروباری علاقوں میں لوڈشیڈنگ سے متعلق مختلف تجاویز پر عملدرآمد کیا جائے گا۔
اجلاس میں یہ بھی فیصلہ کیا گیا کہ شہر کے نواحی علاقوں میں دیگر کاروبار رات 8.30 بجے بند کر دیئے جائیں گے۔ ضلعی انتظامیہ پہلے مرحلے میں شادی ہالز اور ریسٹورنٹس کو جلد بند کرنے کے نوٹس جاری کرے گی۔
