پنجاب، وفاق، خیبرپختونخواہ میں آج سے کاروبار کھلیں گے

مئی 09 2020: (جنرل رپورٹر) پنجاب وفاق اور خیبر پختونخواہ میں آج سے کاروبار کھول دئیے جائیں گے- سندھ اور بلوچستان نے سوموار سے لاک ڈاؤن میں نرمی کا اعلان کیا ہے

تفصیلات کے مطابق حسب اعلان آج سے پنجاب خیبرپختونخواہ اور وفاق میں لاک ڈاؤن میں نرمی کا اطلاق ہو گا

وزیر اعلی سندھ مراد علی شاہ کہتے ہیں کہ کچھ معاملات ڈسکس کرنا رہتے تھے ہفتے تک سب کلئیر ہو جائے گا- سوموار سے لاک ڈاؤن میں نرمی کا اطلاق کریں گے

اشیائے خورد و نوش اور میڈیکل اسٹورز کی دکانیں پورا ہفتہ کھلیں گی جبکہ باقی شعبوں کو ہفتہ اتوار چھٹی ہو گی- ٹرانسپورٹ کی بحالی کا فیصلہ نا ہو سکا- فی الوقت پبلک ٹرانسپورٹ پر پابندی رہے گی

ترجمان سندھ حکومت مرتضی وہاب کے مطابق بڑے شاپنگ مالز, ہوٹلز , شادی ہالز اور ہر قسم کے اجتماعات پہ پابندی عائد رہے گی

وزیر صنعت پنجاب میاں اسلم اقبال کہتے ہیں کہ پنجاب میں حجام کی دکانیں بھی نہیں کھولی جائیں گی جبکہ ریسٹورینٹ ہوٹلز اور شادی ہالز وغیرہ بھی بدستور بند رہیں گے

وزیر اعظم عمران خان نے کہا کہ ہم لاک ڈاؤن کو کھول رہے ہیں لیکن عقلمندی سے کام لینا ہو گا- اگر ایس او پیز پر عمل نا کیا گیا تو مجبورا دوبارہ لاک ڈاؤن کرنا پڑے گا- کہا کہ مرحلہ وار لاک ڈاؤن کھولیں گے- ہماری کامیابی میں پاکستانیوں کا بڑا ہاتھ ہو گا

وزیر اعظم نے مزید کہا کہ ہم نے 13 مارچ کو لاک ڈاؤن کا آغاز کیا لیکن پہلے دن سے اس کا خوف تھا- چونکہ ہمارے حالات یورپ اور چین جیسے نہیں ہمارے ہاں دہاڑی دار طبقہ زیادہ ہے ہمیں ڈر تھا کہ اگر سب بند کر دیا تو ان لوگوں کا کیا بنے گا- اب ہم لاک ڈاؤن کو مرحلہ وار کھول رہیں ہیں لیکن عقلمندی سے کام لینا ہو گا

کہا کہ حکومت ڈنڈے کے زور پہ سماجی فاصلے کو برقرار نہیں رکھوا سکتی- مہذب قوموں کی طرِ خود ہی اس پر عمل درآمد کرنا ہو گا- ہم کتنی فیکٹریوں میں جا کے دیکھ سکتے ہیں نا ہی مساجد میں زبرستی فاصلے رکھوا سکتے ہیں- اگر مشکل وقت سے نکلنا چاہتے ہیں تو احتیاط کرنا ہو گی

پبلک ٹرانسپورٹ کے معاملے میں وزیر اعظم نے کہا کہ اگرچہ اس پر اتفاق رائے نہیں ہو سکا لیکن میری رائے یہ تھی کہ اسے بھی کھلنا چاہیے کیونکہ اس سے زیادہ تر غریب لوگ جڑے ہیں; سپریم کورٹ کی رائے بھی پبلک ٹرانسپورٹ اور ٹرین سروس کی بحالی کی تھی تاہم اتفاق رائے نا ہونے کے باعث اس پر پابندی برقرار رہے گی

وفاقی وزیر اسد عمر کہتے ہیں کہ وزیر اعظم چاہتے تو فیصلے مسلط بھی کر سکتے تھے لیکن باہمی مشاورت سے چل رہے ہیں- سب فیصلوں کا مقصد انسانی زندگیوں کی حفاظت ہے

دوسری جانب بلوچستان میں بھی سوموار سے لاک ڈاؤن میں مرحلہ وار نرمی کا آغاز کیا جائے گا- پر کو چھوٹی دکانوں جن میں کپڑے جوتے اور دیگر ملبوسات کی دکانیں شامل ہیں کھول دی جائیں گی

جاویریہ حارث

جاویریہ حارث اردو خبر میں پاکستان میں مقیم مصنف اور سابق ایڈیٹر ہیں۔

سبسکرائب
کو مطلع کریں
guest
0 Comments
Inline Feedbacks
View all comments
0
آپ اس متعلق کیا کہتے ہیں؟ اپنی رائے کمنٹ کریںx
()
x