متحدہ عرب امارات –
پاکستانی بلے باز آصف علی نے جمعہ کو آئی سی سی ٹی20 ورلڈ کپ کے میچز میں پاکستان کی مسلسل تیسری جیت میں بہترین کردار ادا کیا جبکہ گزشتہ روز افغانستان کے ساتھ میچ میں ایک اوور میںچار چھکے مار کر فتح دلانے کے بعد سوشل میڈیا صارفین میں آصف علی کی بلےبلے ہو گئی اور پاکستانیوں نے دل کھول کر تعریفی پوسٹ لگائیں۔
پاکستانی سوشل میڈیا صارفین کی جانب سے افغانستان کےخلاف اس فتح پر مین آف دی میچ قرار دئیے جانے آصف علی کے لئے تعریفوں کے پل باندھے گئے ہیں۔
یہ بھی پڑھیں | مینار پاکستان واقعہ: کیا واقعی عائشہ اکرم اور ریمبو بھاری رقم بٹور چکے ہیں؟
کچھ تو میمز کا سہارا لیا تو کچھ نے ڈائریکٹآئی لو یو آصف بول دیا۔
سوشل میڈیا پر آصف علی کی تعریف اور میچ کی کامیابی دلانے پر زبردست خراج تحسین پیش کیا جارہا ہے جبکہ یہ سلسلہ تاحال جاری ہے۔
یاد رہے کہ آصف علی نے ایک اوور میں چار چھکے مار کر میچ کی کایا پلٹ دی جس وجہ سے پاکستانی ٹیم فتح سے ہمکنار ہوئی۔
اس سے پہلے بھارت اور نیوزی لینڈ کے خلاف میچز میں بھی آصف علی نے بہترین کردار ادا کیا تھا۔
