وزیر اعظم شہباز شریف کا انسانی امداد بھیجنے  پر متحدہ عدب امارات کے صدر کا شکریہ

شیخ محمد بن زاید سے ٹیلی فونک رابطہ

وزیراعظم محمد شہبازشریف نے آج متحدہ عرب امارات کے صدر شیخ محمد بن زاید سے ٹیلی فونک رابطہ کیا ہے۔

تفصیلات کے مطابق وزیراعظم نے انہیں پاکستان میں سیلاب کی تازہ ترین صورتحال سے آگاہ کیا جس سے تقریباً 33 ملین افراد متاثر، 1162 کے قریب ہلاک اور 3354 افراد زخمی ہوئے ہیں۔

متحدہ عرب امارات کی طرف سے انسانی امداد پر شکریہ کا اظہار

 وزیر اعظم نے ایک بار پھر متحدہ عرب امارات کی طرف سے فراہم کی جانے والی بروقت انسانی امداد اور مدد پر شکریہ کا اظہار کیا اور امارات ریڈ کریسنٹ اور خلیفہ بن زاید فاؤنڈیشن کی جانب سے سیلاب زدہ علاقوں میں کیے جانے والے کام کو سراہا۔

یہ بھی پڑھیں | پاکستان میں سیلاب: شیخ محمد بن زاید کی وزیر اعظم شہباز شریف کو فون کال

یہ بھی پڑھیں | سعودیہ: سابق امام کعبہ کو دس سال قید کی سزا

 شیخ محمد بن زاید نے قدرتی آفات سے نمٹنے کے لیے پاکستانی عوام کے ساتھ مکمل یکجہتی کا اظہار کیا اور اس مشکل وقت میں متاثرین کی ہر ممکن مدد کی پیشکش کی۔ 

پاکستان اور متحدہ عرب امارات کے درمیان قریبی برادرانہ تعلقات

 پاکستان اور متحدہ عرب امارات کے درمیان قریبی برادرانہ تعلقات ہیں، جن کی جڑیں مشترکہ ایمان، باہمی اعتماد اور افہام و تفہیم اور قریبی تعاون پر مشتمل ہیں۔ یہ باہمی تعلقات مشترکہ دلچسپی کے تمام شعبوں میں بڑھتے ہوئے تعاون سے نشان زد ہیں۔

حرمین رضا

جاویریہ حارث اردو خبر میں پاکستان میں مقیم مصنف اور سابق ایڈیٹر ہیں۔