آٹھ افراد تیز دھار آلے سے قتل
افسوسناک واقعہ میں پنجاب کے شہر شیخوپورہ کے نواحی گاؤں میں کھیتوں میں سوتے ہوئے آٹھ افراد کو تیز دھار آلے سے قتل کر دیا گیا۔
شیخوپورہ کے ڈسٹرکٹ پولیس آفیسر فیصل مختار (ڈی پی او) نے بتایا کہ مجرم نے صبح 3 بجے کے بعد کھیتوں میں مختلف جگہوں پر سوئے ہوئے افراد پر چاقو کے وار کئے۔ ان کا کہنا تھا کہ پولیس نے مشتبہ قاتل کو قتل میں استعمال ہونے والے ہتھیار سمیت گرفتار کر لیا ہے۔
یہ بھی پڑھیں | سندھ ہائیکورٹ کا “گٹکا” پر مکمل پابندی یقینی بنانے کا حکم
یہ بھی پڑھیں | کشمیر: جیل کا ڈائریکٹر جنرل مارا گیا
مشتبہ شخص ذہنی طور پر مریض
اہلکار نے مزید بتایا کہ مشتبہ شخص ذہنی طور پر مریض معلوم ہوتا ہے۔ تاہم مزید تحقیقات جاری ہیں۔
وزیراعلیٰ پنجاب پرویز الٰہی نے معاملے کا نوٹس لیتے ہوئے متعلقہ حکام کو معاملے کی تحقیقات کرکے رپورٹ پیش کرنے کی ہدایت کی۔
انہوں نے کہا کہ متاثرین کے لواحقین کو انصاف کی فراہمی یقینی بنائی جائے۔
