جنرل عاصم منیر کی خانہ کعبہ کے اندر پاکستان کے لئے دعائیں

اسلام اور پاکستان کے لئے دعائیں

چیف آف آرمی سٹاف جنرل سید عاصم منیر، جو سعودی عرب کے سرکاری دورے پر ہیں، عمرہ کی ادائیگی کے لیے مکہ مکرمہ موجود ہیں جہاں ان کے لیے خانہ کعبہ کے دروازے کھولے گئے جہاں انہوں نے اسلام اور پاکستان کے لئے دعائیں مانگیں۔

 انسٹاگرام پر پوسٹ کی گئی ایک ویڈیو میں جنرل عاصم منیر کو کچھ دوسرے لوگوں کے ساتھ خانہ کعبہ سے باہر جاتے ہوئے دیکھا جا سکتا ہے۔ آرمی چیف نے کالی جیکٹ اور پینٹ پہنی ہوئی تھی۔ 

آرمی چیف کے لئے خانہ کعبہ کے دروازے کھولے گئے

مقامی میڈیا کی رپورٹ میں بتایا گیا کہ  آرمی چیف کے لیے غیر معمولی مہمان نوازی کے لیے خانہ کعبہ کے دروازے کھول دیے گئے۔ جنرل عاصم منیر جو کہ حافظ قرآن ہیں نے خانہ کعبہ کے اندر نماز ادا کی۔ 

ایک اور کلپ میں آرمی چیف کو مسجد نبوی کا دورہ کرتے ہوئے دکھایا گیا ہے جبکہ ان کے سعودی سیکیورٹی اہلکار ان کے ساتھ ہیں۔ 

یہ بھی پڑھیں | پاک سوزوکی کا پلانٹ 13 جنوری تک بند رہے گا

یہ بھی پڑھیں | حکومت آئی ایم ایف پروگرام کی شرائط پوری کرنے کا عزم رکھتی ہے، وزیراعظم شہباز شریف

یو اے ای کے سرکاری دورے

 نئے تعینات ہونے والے آرمی چیف 4 سے 10 جنوری تک مملکت اور متحدہ عرب امارات (یو اے ای) کے سرکاری دورے پر ہیں۔

آرمی چیف کا عہدہ سنبھالنے کے بعد جنرل منیر کا پاکستان سے باہر یہ پہلا سرکاری دورہ ہے۔ 

 جنرل عاصم منیر کی ولی عہد سے ملاقات

 قبل ازیں آج سعودی پریس ایجنسی نے بتایا کہ جنرل عاصم منیر نے سعودی ولی عہد شہزادہ محمد بن سلمان سے ملاقات کی اور برادر ممالک کے درمیان دو طرفہ تعلقات پر تبادلہ خیال کیا۔ 

 آرمی چیف اور سعودی ولی عہد نے مشترکہ دلچسپی کے متعدد امور کے علاوہ دو طرفہ تعلقات اور مواقع کا جائزہ لیا۔