ترکی ڈرامہ ارتغرل کی اداکارہ حلیمہ سلطان اور دیگر کی پاکستان آنے کی خواہش

 مئی 18 2020: (جنرل رپورٹر)  ترکی ڈرامے ارتغرل غازی کی اداکارہ حلیمہ سلطان کے بعد دیگر اداکاروں نے بھی پاکستان آنے کی خواہش کا اظہار کر دیا ہے

تفصیلات کے مطابق اسلامی فتوحات پر مبنی ترک ڈرامہ ارتغرل غازی میں حلیمہ سلطان کا مردار ادا کرنے والی اداکارہ کی پاکستان آنے کی خواہش کے بعد مزید اداکاروں نے پاکستان آنے کی خواہش کا اظہار کیا ہے

زرائع کے مطابق ارتغرل غازی ڈرامے کے سیزن 3 میں اصلحان خاتون کا کردار ادا کرنے والی کلثوم نواز نے گزشتہ دنوں سوشل میڈیا رابطے کی ویب سائٹ انسٹاگرام پر اپنی تصویر کے ساتھ ایک پیغام شئیر کیا

شئیر کئے گئے پیغام میں انہوں نے پاکستانی مداحوں کو مخاطب کرتے ہوئے کہا کہ آپ کے محبت بھرے ہیغامات اور کمنٹس کا بہت شکریہ آپ لوگوں کی تعریفوں نے مجھے خوش کر دیا ہے

کلثوم علی نے پاکستان آنے کی خواہش کا اظہار کرتے ہوئے کہا کہ میں اس سے پہلے تو کبھی پاکستان نہیں آ سکی لیکن میری کوشش ہے کہ اس وباء کے ختم ہونے کے بعد ضرور پاکستان آؤں اور اپنے مداحوں سے ملاقات کروں

اداکارہ نے اپنے پیغام میں مزید لکھا کہ تب تک آپ سب اپنا خیال رکھیں- میں استنبول سے آپ سب کے لئے بہت سی بیک تماؤں کا اظہار کرتی ہوں

اپنے پیغام کی آخری لائن میں انہوں نے جیوے جیوے جیوے پاکستان کا نعرہ بھی لکھا

دوسری جانب ترکی ڈرامے ارتغرل غازی کے اداکار جاوید چتین گورنر جنہوں نے روشان کا کردار کیا میڈیا چینل کو انٹرویو دیتے ہوئے کہتے ہیں کہ پاکستانیوں سے جو محبت ملء اس سے بہت خوش ہوں

انہوں نے مزید کہا کہ جو رد عمل پاکستانیوں نے ڈرامے پر دیا ہے اس پر ہماری پوری ٹیم آپ سب کی شکرگزار ہے- مزید کہا کہ میرے والدین نے مجھے سمجھایا ہے کہ پاکستان میرا دوسرا ملک ہے سو جلد ہی میں پاکستان آؤں گا اور مداحوں سے ملاقات بھی کروں گا

یاد رہے کہ اس سے پہلے ترکی ڈرامے ارتغرل غازی کی مشہور اداکارہ اسراء بلیجک جنہوں نے حلیمہ سلطان کا کردار ادا کیا پاکستان آنے کی خواہش کا اظہار کر چکی ہیں- انہوں نے بھی پاکستان آنے اور مداحوں سے ملاقات کرنے کی خواہش کا اظہار کیا تھا

یاد رہے کہ پاکستانی مداحوں کی جانب سے ترکی ڈرامے ارتغرل غازی کے اداکاروں کو مختلف سوشل اکاؤنٹس پر محبت بھرے پیغامات بھیجنے کا سلسلہ جاری ہے جس کے بعد اداکاروں نے پاکستان آنے کی خواہش کا اظہار کیا ہے

ترکی ڈرامہ ارتغرل غازی یکم رمضان سے سرکاری چینل پی ٹی وی پر اردو زبان میں نشر کیا جا رہا ہے جو بےحد مقبول ہوا ہے

شئر کریں

جاویریہ حارث

جاویریہ حارث اردو خبر میں پاکستان میں مقیم مصنف اور سابق ایڈیٹر ہیں۔

Leave a Reply

Your email address will not be published. Required fields are marked *