پاکستان پیپلز پارٹی (پی پی پی) کے شریک چیئرمین آصف علی زرداری کی صاحبزادی بختاور بھٹو نے سابق صدر کے اچانک دبئی روانہ ہونے کی وجہ بتا دی ہے۔
آصف زرداری اپنے پوتے میر حکیم کے ساتھ سالگرہ منانے دبئی پہنچے
ٹویٹر پر بات کرتے ہوئے بختاور بھٹو نے کہا کہ آصف زرداری اپنے پوتے میر حکیم کے ساتھ سالگرہ منانے دبئی پہنچے ہیں۔
اگر وہ (آصف زرداری) گیارہ سال جیل سے نہیں بھاگے تو اب کیوں بھاگیں گے۔ انہوں نے ٹویٹر پر لکھا کہ آصف علی زرداری نے ہر دور حکومت میں عدالتوں کا سامنا کیا لیکن کبھی بھاگے نہیں۔
یہ بھی پڑھیں | خدا کے لئے عمران خان کو پاکستان دے دیں، اداکارہ حرا مانی
یہ بھی پڑھیں | دوست محمد مزاری نے ق لیگ کے ووٹ مسترد کرنے کی وجہ بتا دی
بختاور بھٹو کے مطابق آصف زرداری اپنی پہلی سالگرہ بطور دادا منانے دبئی پہنچے ہیں۔
واضح رہے کہ چند روز قبل آصف زرداری کی پاکستان مسلم لیگ قائد کے سربراہ چوہدری شجاعت سے کئی گھنٹے تک جاری رہنے والی مسلسل دو ملاقاتوں نے پنجاب کے وزیر اعلیٰ کے انتخاب کے سیاسی کھیل کا رخ موڑ دیا تھا۔ ان کی اس کے بعد اچانک دبئی روانگی پر مخالفین کی جانب سے کئی سوال اٹھائے جا رہے تھے۔
حمزہ شہباز کے بطور وزیراعلیٰ پنجاب انتخاب کو سپریم کورٹ میں چیلنج کر دیا گیا ہے جس کا نتیجہ آنا باقی ہے۔
