نیا پاکستان سرٹیفکیٹ انویسٹمنٹ: درہم اور ریال میں سرمایہ کاری کا مکمل طریقہ کار

اوورسیز پاکستانیوں کے لیے اسٹیٹ بینک آف پاکستان (SBP) کی جانب سے ایک بہترین اور بڑی خوشخبری سامنے آئی ہے۔ حکومتِ پاکستان نے خلیجی ممالک (GCC) میں مقیم پاکستانیوں کی سہولت کے لیے اپنے مشہور زمانہ نیا پاکستان سرٹیفکیٹس (NPCs) کا دائرہ کار وسیع کرتے ہوئے اب اسے سعودی ریال (SAR) اور یو اے ای درہم (AED) میں بھی متعارف کروا دیا ہے۔

اس سے قبل یہ سرٹیفکیٹ صرف یو ایس ڈالر، برطانوی پاؤنڈ، یورو اور پاکستانی روپے میں دستیاب تھے۔ اس نئے اقدام کا بنیادی مقصد سعودی عرب اور متحدہ عرب امارات میں مقیم لاکھوں غیر مقیم پاکستانیوں (NRPs) کو یہ سہولت دینا ہے کہ وہ اپنی مقامی کرنسی میں براہِ راست سرمایہ کاری کر کے بغیر کسی ایکسچینج نقصان کے پرکشش اور محفوظ منافع حاصل کر سکیں۔ اگر آپ بھی خلیج میں مقیم ہیں اور نیا پاکستان سرٹیفکیٹ انویسٹمنٹ کرنا چاہتے ہیں تو یہ تفصیلی گائیڈ آپ کے لیے ہے۔

درہم اور ریال سرٹیفکیٹس پر ملنے والا شرحِ منافع 

اسٹیٹ بینک آف پاکستان کے نوٹیفکیشن کے مطابق درہم اور سعودی ریال دونوں کرنسیوں کے سرٹیفکیٹس پر ایک جیسا اور انتہائی پرکشش سالانہ منافع دیا جا رہا ہے۔ سرمایہ کار اپنی مرضی کے مطابق 3 ماہ سے لے کر 5 سال تک کی مدت (Tenor) کا انتخاب کر سکتے ہیں۔ شرحِ منافع کی تفصیل درج ذیل ہے:

3 ماہ کی مدت: 6.50 فیصد سالانہ منافع

6 ماہ کی مدت: 6.75 فیصد سالانہ منافع

12 ماہ (1 سال) کی مدت: 7.00 فیصد سالانہ منافع

3 سال کی مدت: 7.25 فیصد سالانہ منافع

5 سال کی مدت: 7.50 فیصد سالانہ منافع

نوٹ: 3 ماہ، 6 ماہ اور 12 ماہ کے سرٹیفکیٹس کا منافع میچورٹی (مدت پوری ہونے) پر ملے گا جبکہ 3 سال اور 5 سالہ سرٹیفکیٹس کا منافع ہر چھ ماہ بعد (Semi-Annually) انویسٹر کے اکاؤنٹ میں منتقل کیا جائے گا۔

سرمایہ کاری کی کم از کم حد اور بینکنگ پارٹنرز

غیر ملکی کرنسی بشمول درہم اور ریال میں نیا پاکستان سرٹیفکیٹ انویسٹمنٹ شروع کرنے کے لیے اسٹیٹ بینک نے شرائط کو انتہائی آسان رکھا ہے:

کم از کم سرمایہ کاری: آپ کم از کم 1,000 درہم یا 1,000 ریال سے انویسٹمنٹ کا آغاز کر سکتے ہیں۔

اضافی رقم: اگر آپ اس سے زیادہ انویسٹ کرنا چاہتے ہیں تو آپ 500 کے ملٹی پلس (جیسے 1500، 2000، 2500) میں مزید رقم لگا سکتے ہیں۔

بینکنگ چینلز: شفافیت اور سیکیورٹی کے لیے اسٹیٹ بینک نے عالمی بینکوں کے ساتھ شراکت داری کی ہے۔ سعودی ریال کی رقم سعودی نیشنل بینک (SNB) کے ذریعے جبکہ یو اے ای درہم کی رقم فرسٹ ابوظہبی بینک (FAB) کے نامزد کردہ اکاؤنٹس کے ذریعے اسٹیٹ بینک آف پاکستان کو ارسال کی جائے گی۔

درہم اور ریال سرٹیفکیٹس میں سرمایہ کاری کا طریقہ 

اوورسیز پاکستانیوں کے لیے اس اسکیم کا حصہ بننا انتہائی ڈیجیٹل اور پیپر لیس (کاغذات کے بغیر) ہے۔ آپ دنیا کے کسی بھی کونے میں بیٹھ کر چند منٹوں میں سرمایہ کاری کر سکتے ہیں۔

روشن ڈیجیٹل اکاؤنٹ (RDA) کھولیں

اگر آپ کا پہلے سے روشن ڈیجیٹل اکاؤنٹ نہیں ہے تو پاکستان کے کسی بھی بڑے کمرشل بینک (جیسے حبیب بینک، الائیڈ بینک، الفلاح، یا میزان بینک) کی ویب سائٹ یا ایپ پر جائیں۔ اپنا شناختی کارڈ (NICOP)، پاسپورٹ، اوورسیز رہائش کا ثبوت اور آمدنی کا ذریعہ اپ لوڈ کر کے 48 گھنٹوں میں اپنا ڈیجیٹل اکاؤنٹ فعال کروائیں۔

اکاؤنٹ میں درہم یا ریال فنڈز منتقل کریں

اپنے خلیجی ملک کے مقامی بینک اکاؤنٹ سے اپنے پاکستانی روشن ڈیجیٹل اکاؤنٹ (RDA) میں یو اے ای درہم (AED) یا سعودی ریال (SAR) کی رقم منتقل کریں۔

نبا پاکستان سرٹیفکیٹ کا انتخاب کریں

اپنے بینک کے انٹرنیٹ بینکنگ پورٹل یا موبائل ایپلیکیشن میں لاگ ان کریں۔ وہاں Investmentsیا Naya Pakistan Certificates کے آپشن پر کلک کریں۔ اب کرنسی میں AED یا SAR منتخب کریں۔

مدت اور ٹائپ منتخب کریں

آپ جتنی مدت (3 ماہ سے 5 سال) کے لیے انویسٹ کرنا چاہتے ہیں وہ چنیں۔ یہاں آپ کو دو آپشن ملیں گے: Conventional (روایتی سود پر مبنی) اور Shariah Compliant (اسلامی اصولوں/مضاربہ پر مبنی)۔ اپنی ترجیح کے مطابق کسی ایک کا انتخاب کریں۔

درخواست جمع کروائیں

اپنی مطلوبہ رقم (کم از کم 1,000) درج کریں اور آن لائن فارم سبمٹ کر دیں۔ آپ کے اکاؤنٹ سے رقم فوری طور پر سرٹیفکیٹ میں منتقل ہو جائے گی اور آپ کو اسٹیٹ بینک کی طرف سے تصدیقی ڈیجیٹل سرٹیفکیٹ موصول ہو جائے گا۔

اس سرمایہ کاری کے خاص فائدے اور ٹیکس کی سہولت

نیا پاکستان سرٹیفکیٹ انویسٹمنٹ کو دنیا کی محفوظ ترین سرمایہ کاریوں میں شمار کیا جاتا ہے کیونکہ اس کے پیچھے حکومتِ پاکستان کی خودمختار ضمانت (Sovereign Guarantee) ہوتی ہے۔ اس کے دیگر اہم فائدے درج ذیل ہیں:

ٹیکس فری اور آسان ریٹرنز: غیر مقیم پاکستانیوں (NRPs) کے لیے پاکستان میں کسی قسم کی ٹیکس فائلنگ (Tax Filing) لازمی نہیں ہے۔ منافع پر صرف 10 فیصد ودہولڈنگ ٹیکس کٹوتی ہوتی ہے جو کہ حتمی ٹیکس ہے۔ یہ زکوٰۃ کی لازمی کٹوتی سے بھی استثنیٰ رکھتا ہے۔

رقم واپس لے جانے کی مکمل آزادی (Full Repatriation): آپ جب چاہیں اپنی اصل رقم اور منافع بغیر کسی پیشگی اجازت کے واپس اپنے خلیجی ملک کے بینک اکاؤنٹ میں منتقل (Remit) کر سکتے ہیں۔

وقت سے پہلے رقم نکالنے کی سہولت (Early Encashment): اگر آپ کو میچورٹی سے پہلے رقم کی ضرورت پڑ جائے تو آپ وقت سے پہلے بھی اپنے سرٹیفکیٹ کو کیش کروا سکتے ہیں جس پر اسٹیٹ بینک کے مروجہ اصولوں کے مطابق منافع کا حساب لگایا جائے گا۔

ہر اہم خبر اور تازہ اپڈیٹ کے لیے Urdu Khabar کو فالو کریں