کرکٹ شائقین کا انتظار بالاآخر ختم ہو گیا پاکستان سپر لیگ (PSL) کی نئی فرنچائز نے تاریخی نیاز اسٹیڈیم میں منعقدہ ایک پروقار اور شاندار تقریب میں اپنی شناخت کا باضابطہ اعلان کر دیا ہے۔
فرنچائز کے مالک فواد سرور نے اعلان کیا کہ ان کی ٹیم پی ایس ایل 11 میں حیدرآباد ہیوسٹن کنگز مین (Hyderabad Houston Kingsmen) کے نام سے میدان میں اترے گی۔ اسٹیڈیم میں موجود ہزاروں شائقین کے سامنے ٹیم کا نیا اور انقلابی لوگو بھی پیش کیا گیا جو ٹیم کے لانچ سے قبل ایک بڑا سنگ میل ہے۔
نیاز اسٹیڈیم میں شاندار تقریب
اس تقریب میں شائقین کی بڑی تعداد نے شرکت کی جبکہ لائیو میوزک، شاندار آتش بازی اور جشن کے مناظر نے اسے ایک تہوار کا روپ دے دیا۔ حیدرآباد ہیوسٹن کنگز مین کا برانڈ شہر کی امیر ثقافت کے ساتھ ساتھ کرکٹ کے جدید اور جارحانہ انداز کی عکاسی کرے گا۔
کنگز مین نے اپنی (Recruitment) سے پہلے ہی کرکٹ کی دنیا میں ہلچل مچا دی ہے۔
صائم ایوب (Saim Ayub): فرنچائز نے دنیا کے نمبر 1 T20I آل راؤنڈر کو 12.6 کروڑ روپے کے ریکارڈ معاوضے میں پلاٹینم کیٹیگری میں سائن کر کے تاریخ رقم کر دی ہے۔ وہ پی ایس ایل کی تاریخ کے مہنگے ترین پاکستانی کھلاڑی بن گئے ہیں۔
مارنس لیبوشین (Marnus Labuschagne): آسٹریلوی سٹار بیٹر ایک اہم غیر ملکی کھلاڑی (Marquee Signing) کے طور پر ٹیم میں شامل ہوئے ہیں۔
دیگر اہم کھلاڑی: سکواڈ میں عثمان خان (ڈائمنڈ کیٹیگری، 4.62 کروڑ)، معاذ صداقت (ایمرجنگ، 3.5 کروڑ) اور عاکف جاوید (گولڈ، 1.96 کروڑ) شامل ہیں۔
The pitch has a new ruler. The game has a new power. 🔱
— HHKingsmen (@HHKingsmen) February 7, 2026
🥁 Presenting the 𝐇𝐘𝐃𝐄𝐑𝐀𝐁𝐀𝐃 𝐇𝐎𝐔𝐒𝐓𝐎𝐍 𝐊𝐈𝐍𝐆𝐒𝐌𝐄𝐍 🥁
Let our #HBLPSL reign begin! 👑 pic.twitter.com/n8qbPMMM8n
ورلڈ کلاس کوچنگ سیٹ اپ
اس سٹار لائن اپ کی رہنمائی کے لیے حیدرآباد نے ایک تجربہ کار بین الاقوامی کوچنگ عملہ تشکیل دیا ہے:
ہیڈ کوچ: جیسن گلیسپی (سابق آسٹریلوی فاسٹ باؤلر)
اسسٹنٹ کوچ: کریگ وائٹ
فیلڈنگ کوچ: گرانٹ بریڈ برن
بیٹنگ کوچ: حنیف ملک
اسٹرینتھ اینڈ کنڈیشننگ: زیک مارٹناپنی منفرد شناخت، ریکارڈ ساز سکواڈ اور تجربہ کار کوچنگ گروپ کے ساتھ حیدرآباد ہیوسٹن کنگز مین نے اپنے پہلے پی ایس ایل سیزن کے لیے خطرے کی گھنٹی بجا دی ہے اور وہ ایک مضبوط امیدوار کے طور پر سامنے آئے ہیں۔
