نادرا (NADRA) نے اپنی پاک آئی ڈی (Pak ID) موبائل ایپ کو اپڈیٹ کر دیا ہے تاکہ شہریوں کو زیادہ سہولت مل سکے۔ اب اس ایپ کے نئے ورژن (Pak ID 5.0.4) میں لوگ اپنا موبائل نمبر اور ای میل ایڈریس اپڈیٹ کر سکتے ہیں اور اس کے لیے نادرا کے دفتر جانے کی ضرورت نہیں ہوگی۔
موبائل نمبر اپڈیٹ کرنے کا طریقہ
فون نمبر اپڈیٹ کرنے کے لیے یہ آسان مراحل فالو کریں:
- اپنے فون میں Pak ID ایپ کھولیں۔
- پروفائل سیٹنگز (Profile Settings) میں جائیں۔
- موبائل نمبر ایڈٹ کرنے کا آپشن منتخب کریں۔
- اپنا نیا موبائل نمبر درج کریں۔
- اس نمبر پر ایک ون ٹائم پاس ورڈ (OTP) موصول ہوگا۔
- ایپ میں یہ کوڈ درج کریں تاکہ نمبر ویری فائی ہو جائے۔
- ویری فکیشن مکمل ہونے کے بعد نیا نمبر آپ کی پروفائل میں شامل ہو جائے گا۔
یہی طریقہ ای میل ایڈریس اپڈیٹ کرنے کے لیے بھی استعمال کیا جا سکتا ہے۔
نمبر اپڈیٹ کرنے کے فائدے
- نادرا کی ریکارڈ میں درست نمبر شامل کرنے سے آپ کو فوری اطلاع ملتی رہے گی جیسے کہ شناختی کارڈ یا فیملی رجسٹریشن کی اپڈیٹس۔
- آپ کو تجدید (renewal)، بائیومیٹرک تصدیق اور دیگر اہم نوٹیفکیشنز وقت پر ملیں گے۔
- درست موبائل نمبر درج کرنے سے آپ کی شناختی دستاویزات کے غلط استعمال کے امکانات کم ہو جاتے ہیں۔
- اس کے علاوہ نادرا سے رابطہ بھی زیادہ آسان اور محفوظ ہو جاتا ہے۔
نادرا حکام کے مطابق یہ فیچر ان کے اس مشن کا حصہ ہے جس کا مقصد خدمات کو زیادہ سے زیادہ ڈیجیٹل اور سیلف سروس بنانا ہے تاکہ شہریوں کو بار بار دفتر نہ جانا پڑے۔
نادرا فیس ادا کرنے کے نئے طریقے
نادرا نے اپلیکیشن فیس ادا کرنے کے لیے بھی نئی سہولیات متعارف کروائی ہیں:
- نادرا دفتر میں کیش ادائیگی کی جا سکتی ہے۔
- جیز کیش، ایزی پیسہ اور ای سہولت کے ذریعے ادائیگی ممکن ہے۔
- اب QR کوڈ کے ذریعے ڈیجیٹل پیمنٹ بھی ہو سکتی ہے۔ اپلیکیشن جمع کرواتے وقت نادرا اہلکار آپ کو QR کوڈ فراہم کریں گے جسے کسی بھی موبائل بینکنگ ایپ سے اسکین کر کے فوراً ادائیگی کی جا سکتی ہے۔
نادرا کی پاک آئی ڈی ایپ کے نئے فیچرز پاکستانی شہریوں کے لیے وقت اور محنت دونوں کی بچت ہیں۔ اب فون نمبر یا ای میل اپڈیٹ کرنے سے لے کر فیس جمع کروانے تک کے بیشتر کام آپ اپنے موبائل فون کے ذریعے آسانی اور محفوظ طریقے سے کر سکتے ہیں۔
