یورپ یا کسی دوسرے ملک سفر کرنے والوں کے لیے اچھی خبر! میزان بینک نے پاکستان میں پہلی بار اپنے Visa Infinite ڈیبٹ کارڈ ہولڈرز کے لیے Visa Global eSIM کی سہولت متعارف کرا دی ہے۔ اب بیرونِ ملک سفر کے دوران انٹرنیٹ استعمال کرنے کے لیے نہ تو کسی مقامی سم کی ضرورت ہے نہ ہی لمبی لائنوں میں کھڑے ہونے کی زحمت۔
میزان بینک اور ویزا کی شراکت سے متعارف کرایا گیا یہ نیا فیچر صارفین کو 150 سے زائد ممالک میں فوری موبائل ڈیٹا کنیکٹیویٹی فراہم کرتا ہے۔ صارف صرف ایپ کھولے، پیکج کا انتخاب کرے اور فوراً انٹرنیٹ سے جڑ جائے — نہ سم بدلنے کی جھنجھٹ نہ ہی نیٹ ورک کے مسائل۔
اس سہولت کے تحت میزان بینک کے اہل Visa Infinite صارفین کو 3 جی بی ہائی اسپیڈ ڈیٹا 21 دن کے لیے مفت دیا جائے گا جبکہ مزید ڈیٹا لینے پر 25 فیصد رعایت بھی فراہم کی جائے گی۔
میزان بینک کے گروپ ہیڈ کنزیومر فنانس سید افتخار الحق نے کہا:
"ہمارے صارفین کو اب بیرون ملک جا کر مقامی سم خریدنے یا غیر محفوظ پبلک وائی فائی پر انحصار کرنے کی ضرورت نہیں رہی۔ یہ سہولت ہمارے پریمیئم صارفین کے لیے سفر کو مزید آسان اور محفوظ بناتی ہے۔”
ویزا پاکستان اور افغانستان کے کنٹری منیجر عمر خان کا کہنا تھا کہ 2018 کے بعد سے موبائل ڈیٹا کے استعمال میں سات گنا اضافہ ہو چکا ہے اور یہ ای سم سروس صارفین کی بدلتی ہوئی ضروریات کو مدنظر رکھتے ہوئے ایک محفوظ اور قابلِ اعتماد حل فراہم کرتی ہے۔
یہ eSIM سروس تقریباً تمام جدید اسمارٹ فونز میں کام کرتی ہے اور ویزا کے عالمی نیٹ ورک کی مکمل سپورٹ حاصل ہے۔ یہ اسلامی بینکاری میں ٹیکنالوجی کے ذریعے جدت کی جانب ایک اور قدم ہے جس سے میزان بینک صارفین کو بہتر سہولیات دینے کے اپنے عزم پر قائم نظر آتا ہے۔
اس سروس کی مدد سے مسافر اب جیسے ہی کسی ملک میں پہنچیں گے بغیر کسی تاخیر کے اپنے فون سے براہِ راست انٹرنیٹ سے جڑ سکیں گے۔ انہیں مقامی سم خریدنے کی جھنجھٹ یا پبلک وائی فائی کے خطرات سے بھی بچاؤ حاصل ہوگا۔ یہ سہولت نہ صرف آسانی بلکہ سیکیورٹی کے لحاظ سے بھی ایک اہم قدم ہے۔
اگر آپ بھی میزان بینک کے Visa Infinite صارف ہیں تو اس نئی سہولت سے ضرور فائدہ اٹھائیں اور دنیا بھر میں کہیں بھی اپنے ڈیٹا سے جُڑے رہیں .یہ بھی پڑھیں: میزان بینک کی جانب سے گھر کے لئے قرضہ اسکیم کی وضاحت
