مائیکروسافٹ اور ASUS نے مل کر دو نئے ہینڈ ہیلڈ گیمنگ ڈیوائسز متعارف کرا دیے ہیں جن کے نام ROG Xbox Ally اور ROG Xbox Ally X ہیں۔ یہ دونوں جدید گیمنگ ڈیوائسز طاقتور ASUS ہارڈویئر اور خاص طور پر ہینڈ ہیلڈ گیمنگ کے لیے تیار کردہ ونڈوز کے ایک نئے ورژن کے ساتھ آتی ہیں۔
ASUS ROG Xbox Ally اور Ally X کے اہم فیچرز:
ROG Xbox Ally میں AMD کا نیا Ryzen Z2 A پروسیسر استعمال ہوا ہے جبکہ ROG Xbox Ally X میں اس سے بھی زیادہ طاقتور Ryzen Z2 Extreme چپ دی گئی ہے۔ پہلے ماڈل میں 16GB LPDDR5X ریم (6400MHz) دی گئی ہے جبکہ دوسرے میں 24GB LPDDR5X ریم (8000MHz) شامل ہے۔
اسٹوریج کے لحاظ سے ROG Ally میں 512GB SSD دی گئی ہے جبکہ Ally X میں 1TB SSD موجود ہے۔ بیٹری بھی Ally X میں بڑی ہے جو 80Wh کی ہے جبکہ سادہ Ally میں 60Wh کی بیٹری دی گئی ہے۔ دونوں ڈیوائسز میں 7 انچ کا Full HD (1080p) LCD ڈسپلے دیا گیا ہے جو 120Hz ریفریش ریٹ کے ساتھ گیمنگ کو مزید ہموار بناتا ہے۔
USB پورٹس کی بات کی جائے تو پہلے ماڈل میں دو USB-C 3.2 Gen 2 پورٹس ہیں جبکہ X ماڈل میں ایک USB-C 3.2 اور ایک USB 4 پورٹ موجود ہے۔ دونوں میں UHS-II مائیکرو ایس ڈی کارڈ سلاٹ اور 3.5mm ہیڈ فون جیک بھی موجود ہے۔
وائرلیس کنیکٹیویٹی کے لیے دونوں ڈیوائسز Wi-Fi 6E اور Bluetooth 5.4 سے لیس ہیں۔
اضافی فیچرز میں Xbox Ally کے دونوں ماڈلز Xbox جیسا بٹن لے آؤٹ رکھتے ہیں اور Xbox Game Pass کو سپورٹ کرتے ہیں، جبکہ Ally X ماڈل میں "impulse triggers” بھی شامل کیے گئے ہیں جو کھیلتے وقت اضافی فزیکل فیڈبیک فراہم کرتے ہیں۔
ڈیزائن اور کنٹرولز:
دونوں ڈیوائسز کا ڈیزائن Xbox وائرلیس کنٹرولر سے متاثر ہے۔ ان کے ہینڈ گرپس Xbox کنٹرولر کی طرح باہر کی طرف نکلے ہوتے ہیں تاکہ ہاتھ میں پکڑنے میں آسانی ہو۔ دونوں ماڈلز میں Xbox جیسا ہی بٹن ترتیب موجود ہے جبکہ Ally X میں خصوصی "impulse triggers” دیے گئے ہیں جو گیمنگ کو زیادہ انٹریکٹو بناتے ہیں۔
سافٹ ویئر ایکسپیرینس:
ان ڈیوائسز میں Windows 11 کا ایک خاص ورژن چلتا ہے جو صرف ہینڈ ہیلڈ گیمنگ کے لیے تیار کیا گیا ہے۔ اس میں نیا Xbox Fullscreen Mode شامل کیا گیا ہے جو چھوٹی اسکرین پر بہتر نیویگیشن کے لیے ڈیزائن کیا گیا ہے۔
گیمنگ کے شوقین افراد کے لیے سب سے اچھی بات یہ ہے کہ ان ڈیوائسز پر صرف Xbox ہی نہیں بلکہ Steam، Epic Games، GOG اور دیگر پلیٹ فارمز سے بھی گیمز کھیلی جا سکتی ہیں۔
یوزر انٹرفیس کو مکمل طور پر کنٹرولر فرینڈلی بنایا گیا ہے، جس کا مطلب ہے کہ اسے استعمال کرنے کے لیے نہ ماؤس کی ضرورت ہے اور نہ ہی ٹچ پیڈ کی۔
دستیابی:
ASUS ROG Xbox Ally اور Ally X کو 2025 کے چھٹیوں کے سیزن (Holiday Season) میں دنیا بھر میں لانچ کیا جائے گا۔ ان ممالک میں امریکہ، متحدہ عرب امارات، سعودی عرب، جرمنی، جاپان، برطانیہ، آسٹریلیا، کینیڈا اور فرانس شامل ہوں گے۔
یہ بھی پڑھیں:
