وزیر اعظم شہباز شریف نے سعودی عرب کے دو روزہ سرکاری دورے کے دوران عمرہ ادا کیا ہے۔ ان کا یہ دورہ 5 جون سے شروع ہوا ہے جو سعودی ولی عہد محمد بن سلمان کی دعوت پر کیا جا رہا ہے۔
وزیر اعظم کے ہمراہ اعلیٰ سطحی وفد بھی موجود ہے جس میں آرمی چیف فیلڈ مارشل جنرل عاصم منیر، نائب وزیر اعظم و وزیر خارجہ اسحاق ڈار، وزیر داخلہ محسن نقوی اور وزیر اطلاعات عطا اللہ تارڑ شامل ہیں۔ تمام وفد اراکین نے بھی عمرہ کی سعادت حاصل کی ہے۔
پاکستانی وفد کے اعزاز میں خانہ کعبہ کے دروازے خصوصی طور پر کھولے گئےہیں جہاں انہوں نے ملک و قوم کی ترقی امت مسلمہ اور بالخصوص غزہ کے مظلوم مسلمانوں کے لیے دعائیں کیں ہیں۔
ترجمان دفتر خارجہ کے مطابق اس دورے کا مقصد پاکستان اور سعودی عرب کے درمیان تجارت، دفاع اور علاقائی امن جیسے اہم شعبوں میں تعاون کو فروغ دینا ہے۔
وزیر اعظم شہباز شریف اس دورے کے دوران سعودی قیادت کا شکریہ بھی ادا کریں گے جنہوں نے حالیہ پاک-بھارت کشیدگی میں اہم اور مثبت کردار ادا کیا۔
دفتر خارجہ نے مزید کہا کہ یہ دورہ سعودی وژن 2030 اور پاکستان کے ترقیاتی اہداف کے ساتھ ہم آہنگ معاشی اور سفارتی تعلقات کو مزید مضبوط بنانے میں مددگار ثابت ہوگا۔
یہ بھی پڑھیں : بھارت کی سندھ طاس معاہدے کی خلاف ورزی کے بعد شملہ معاہدہ قابلِ عمل نہیں رہا: خواجہ آصف
