سندھ حکومت کا محکمہ پولیس میں 2000 نوکریوں کا اعلان
سندھ حکومت نے صوبے بھر میں محکمہ پولیس میں 2000 نئی نوکریوں کا اعلان کیا ہے۔
تفصیلات کے مطابق وزیر اعلیٰ سندھ سید مراد علی شاہ نے محکمہ پولیس میں 2000 اسسٹنٹ سب انسپکٹر (اے ایس آئی) انویسٹی گیشن کی تعیناتی کی منظوری دے دی ہے۔
اس حوالے سے محکمہ داخلہ سندھ نے انسپکٹر جنرل پولیس سندھ غلام نبی میمن کو 2 ہزار نئے پولیس اہلکاروں کی بھرتی کے حوالے سے خط بھی لکھا ہے۔
یہ بھی پڑھیں | وزیر اعظم شہباز شریف کا سمگلروں کے خلاف کریک ڈاؤن کا حکم
تقریباً 50 فیصد اے ایس آئی انویسٹی گیشن آسامیاں سندھ پبلک سروس کمیشن (ایس پی ایس سی) کے ذریعے پُر کی جائیں گی جبکہ باقی خالی آسامیاں محکمے میں ترقی یافتہ افسران کے ذریعے پُر کی جائیں گی۔
یہ آسامیاں مرد اور خواتین دونوں امیدواروں کے لیے ہیں اور سندھ کے مختلف اضلاع میں دستیاب ہیں۔
