پاکستان کرکٹ ٹیم کے آل راؤنڈر شاداب خان نے کراچی کے علاقے شاہ فیصل کالونی سے لاپتہ ہونے والی 14 سالہ دعا زہرہ کاظمی اور ان کے اہل خانہ کے لیے دعا کی ہے۔
تفصیلات کے مطابق سوشل میڈیا پر ایک بیان میں شاداب خان نے کہا کہ دعا زہرہ اور ان کے اہل خانہ کے لیے دعا کریں۔ وہ اور تمام لاپتہ بچے بحفاظت اپنے والدین کے پاس واپس آئیں۔
یاد رہے کہ کراچی کے علاقے شاہ فیصل کالونی سے لاپتہ ہونے والی 14 سالہ دعا زہرہ کاظمی کی تلاش میں پولیس نے سانگھڑ میں چھاپہ مار کر ایک لڑکی کو بازیاب کرالیا تاہم بازیاب ہونے والی لڑکی کوئی اور نکلی۔
یہ بھی پڑھیں | شاہ محمود قریشی نے عمران خان کے خلاف نئی سازش کا انکشاف کر دیا
پولیس نے تاوان کی فون کالز کرنے والے کچھ شرپسندوں کو بھی گرفتار کیا ہے۔
تفصیلات کے مطابق 14 سالہ نوجوان لڑکی تقریباً چھ روز قبل لاپتہ ہو گئی تھی۔ اس کے والد نے یہ بھی کہا ہے کہ اگر ان کی بیٹی بازیاب نہ ہوئی تو وہ اور ان کے اہل خانہ گورنر ہاؤس کے سامنے اپنی جان لے لیں گے۔
