جون 16 2020: (جنرل رپورٹر) میاں محمد نواز شریف کی بیٹی مریم نواز نے سماجی رابطے کی مشہور ویب سائٹ انسٹاگرام پر بھی اپنا اکاؤنٹ بنا لیا ہے اور کہا کہ یہ اکاؤنٹ میں خود چلاؤں گی- یہاں پر سیاسی بات نہیں ہو گی بلکہ صرف اپنی یا اپنے اہل خانہ کی مصروفیات سے متعلق پوسٹ ہوں گی- زرائع کے مطابق اکاؤنٹ بنانے کے چند گھنٹے بعد ہی مریم نواز کے انسٹاگرام اکاؤنٹ پر 1 لاکھ 33 ہزار فالورز ہو گئے ہیں
تفصیلات کے مطابق بروز سوموار مریم نواز کی جانب سے سماجی رابطے کی ویب سائٹ انسٹاگرام پر اکاؤنٹ بنایا گیا- انہوں نے کہا کہ اس سے پہلے میرے سوشل میڈیا کے اکاؤنٹ میری ٹیم چلاتی تھی جبکہ یہ اکاؤنٹ میں خود چلاؤں گی اور اس کو سیاسی مقاصد کے لئے بھی نہیں استعمال کیا جائے گا
انہوں نے انسٹاگرام پر اپنے چاہنے والوں کے لئے ایک پیغام بھی شئیر کیا اور کہا کہ امید ہے آپ لوگ محفوظ ہیں اور احتیاطی تدابیر پر بھی عمل کر رہے ہوں گے- مریم نواز کے انسٹاگرام پر اکاؤنٹ بنانے کے چند گھنٹے بعد ہی فالورز کی تعداد ایک لاکھ 33 ہزار ہو گئی جبکہ ان کی ٹویٹر پر فالورز کی تعداد 55 لاکھ ہے- ابھی تک انسٹاگرام پر مریم نواز نے کسی کو فالو نہیں کیا ہے
یادرہے کہ مریم نواز سوشل میڈیا اکاؤنٹ سے اپنے چاہنے والوں کو تصیر یا وڈیو کے زریعے پیغام اور موجودہ سیاست پر تبصرے کر کے باخبر رکھتی ہیں
