یونان میں مہاجرین اور تارکین وطن کی کشتی ڈوبنے سے 79 افراد ہلاک

گزشتہ روز یونان کے ساحل پر سیکڑوں افراد کو لے جانے والی تارکین وطن کشتی ڈوبنے سے اب تک کم از کم 78 افراد ہلاک ہو گئےہیں۔

  خدشہ ظاہر کیا جا رہا ہے کہ مزید ہلاکتیں ہو سکتی ہیں۔ اس کے بعد کشتی پر سفر کرنے والے کل 104 تارکین وطن کو پانی سےبچا کر کالاماتا شہر منتقل کر دیا گیا ہے۔ کلاماتا کے میئر تھاناس واسیلوپولوس نے بدھ کو کہا کہ بچائے گئے تمام مردوں کی عمریں16 سے 41 سال کے درمیان ہیں۔
انہوں نے یہ بھی کہا کہ جہاز میں خواتین اور بچے بھی تھے۔
یہ واضح نہیں ہے کہ جہاز ڈوبنے کے وقت اس میں کتنے افراد سوار تھے۔ زندہ بچ جانے والوں کا کہنا ہے کہ وہاں 750 مسافر سوارہو سکتے تھے۔
پیلوپونیس پریفیکٹ پیناگیوٹس نیکاس کے ترجمان نے کہا کہ ہمیں خدشہ ہے کہ مرنے والوں کی تعداد میں نمایاں اضافہ ہو گا۔
انٹرنیشنل آرگنائزیشن فار مائیگریشن نے پہلے ٹویٹ کیا تھا کہ اس کا خیال ہے کہ جہاز میں 400 تک لوگ سوار تھے۔

یہ بھی پڑھیں | وزیراعظم شہباز شریف آج باکو میں آذربائیجان کے صدر سے ملاقات کریں گے